বিশ্ব বেংকে ভাৰতৰ ইন্দৰৰ মিট গিলক মুখ্য অৰ্থনীতিবিদ আৰু জ্যেষ্ঠ উপ-সভাপতি হিচাপে নিযুক্তি দিছে। মধ্য আৰু নিম্ন আয়ৰ দেশবোৰক ঋণ প্ৰদান কৰা আন্তৰ্জাতিক বিত্তীয় প্ৰতিষ্ঠানটোৰ মুখ্য অৰ্থনীতিবিদ পদত অধিষ্ঠিত হোৱা কৌশিক বসুৰ পিছত গিল হৈছে দ্বিতীয়গৰাকী ভাৰতীয় ।
গিলৰ কাৰ্যকাল ১ ছেপ্টেম্বৰৰ পৰা আৰম্ভ হ’ব ।গিল বৰ্তমান বিশ্ব বেংকৰ ন্যায়সঙ্গত বিকাশ, বিত্ত আৰু প্ৰতিষ্ঠানৰ উপ-সভাপতি। ইয়াত তেওঁ অৰ্থনীতি, ঋণ, বাণিজ্য, দৰিদ্ৰতা আদি বিষয়ত কাম কৰি আহিছে।
বিশ্ব বেঙ্কে ইয়াৰ ৱেবছাইটত উল্লেখ কৰিছে যে গিল ডিউক বিশ্ববিদ্যালয়ৰ ৰাজহুৱা নীতিৰ অধ্যাপক আৰু ২০১৬ তথা ২০২১ চনৰ ভিতৰত ব্ৰুকিংছ ইনষ্টিটিউচনত গ্লোবেল ইকনমি এণ্ড ডেভেলপমেণ্ট কাৰ্যসূচীত জ্যেষ্ঠ ফেলো আছিল। গিলে চিকাগো বিশ্ববিদ্যালয়ৰ পৰা অৰ্থনীতিত পিএইচডি আৰু এএম কৰিছে।
তেওঁ দিল্লী স্কুল অফ ইকনমিক্সৰ পৰা এমএ , আৰু দিল্লী বিশ্ববিদ্যালয়ৰ ছেইণ্ট ষ্টিফেনছ কলেজৰ পৰা অৰ্থনীতিত বিএ আছে কৰিছিল।গিলে উন্নয়নশীল দেশসমূহে সন্মুখীন হোৱা সমস্যা, ঋণ, সেউজ বিপ্লৱ, শ্ৰমিকৰ বজাৰ, দৰিদ্ৰতা দূৰীকৰণ আৰু বৈষম্য তথা প্ৰাকৃতিক সম্পদ সম্পদ পৰিচালনা আদি বিষয়ত এগৰাকী অভিজ্ঞ ব্যক্তি।বিশ্ব বেংকৰ মুখ্য অৰ্থনীতিবিদ হিচাপে গিলক নিযুক্তি প্ৰদান কৰি কৰি বিশ্ব বেংকৰ সভাপতি ডেভিদ মালপাছে কয়, “ইন্দৰমিট গিলে দক্ষতাৰে এই দায়িত্ব চম্ভালিব পাৰিব বুলি সকলোৱে আশাবাদী ।”
