যোৱা ১৩ ছেপ্টেম্বৰত দিল্লীৰ শাৰদ পাৱাৰৰ ঘৰত বিৰোধী মিত্ৰজোঁট ‘ইণ্ডিয়া’ৰ সমন্বয় সমিতিৰ প্ৰথমখন বৈঠক অনুষ্ঠিত হয়।
বৈঠকৰ শেষত মিত্ৰজোঁটে ঘোষণা কৰে যে তেওঁলোকে এলানি টিভি শ্ব’ আৰু উপস্থাপকক (এংকৰ) বৰ্জন কৰিব। খবৰ অনুসৰি সমন্বয় সমিতিত এই সিদ্ধান্ত লোৱা হৈছে। লগতে এই তালিকাখন শীঘ্ৰে প্ৰকাশ কৰা হ’ব বুলিও কোৱা হৈছিল।
লগতে পঢ়ক: বিশেষ অধিৱেশনৰ উদ্দেশ্য কি! কেন্দ্ৰই প্ৰকাশ কৰিলে আলোচনাৰ বিষয়
ইপিনে, বৃহস্পতিবাৰে ৰাজহুৱা কৰা হয় এখন তালিকা। ১৪ জন উপস্থাপকৰ নাম উল্লেখ কৰি ইণ্ডিয়া মিত্ৰজোঁটে এই উপস্থাপকসকলৰ অনুষ্ঠানলৈ কোনো প্ৰতিনিধি প্ৰেৰণ নকৰে বুলি অৱগত কৰিছে।
কাৰণ হিচাপে কোৱা হৈছে যে তেওঁলোকে এনে কোনো বাতৰি অনুষ্ঠানৰ অংশ হ’ব নিবিচাৰে য’ত কেৱল বিৰোধীকহে গৰিহণা দিয়া হয়। তেওঁলোকৰ ভাষাত সংবাদ মাধ্যমৰ একপক্ষীয় অপপ্ৰচাৰৰ বিষয়টো আহি পৰিছে।
লগতে পঢ়ক:Asia Cup: শ্ৰীলংকাৰ হাততো পৰাস্ত পাকিস্তান; এছিয়া কাপৰ ফাইনেলত ভাৰত-শ্ৰীলংকাৰ মহাৰণ
সমন্বয় সমিতিৰ সিদ্ধান্তৰ পিছত মুকলি কৰা ১৪ গৰাকী এংকৰৰ নাম হ’ল অমন চোপ্ৰা, প্ৰাচী পৰাশৰ, ৰুবিকা লিকায়ত, চিত্ৰা ত্ৰিপাঠী, সুধীৰ চৌধুৰী, অমিশ দেৱগন, অৰ্ণৱ গোস্বামী, নভিকা কুমাৰ, আনন্দ নৰসিংহাম, গৌৰৱ সায়ন্ত, অদিতি ত্যাগী, সুশান্ত সিনহা, অশোক শ্ৰীবাস্তৱ আৰু শিৱ আৰুৰ।
