ভাৰতত ক’ৰ’নাৰ সংক্ৰমণত মৃত্যু হোৱা লোকৰ সংখ্যা ১৭,০০০ অতিক্ৰম
ভাৰতত ক’ৰ’নাৰ সংক্ৰমণৰ ফলত মৃত্যু হোৱাৰ লোকৰ সংখ্যা ক্ৰমাৎ বৃদ্ধি পাবলৈ আৰম্ভ কৰিছে।
বিগত ২৪ ঘণ্টাত ভাৰতৰ বিভিন্ন ৰাজ্যত ৫০৭ গৰাকী লোকৰ ক’ৰ’নাত আক্ৰান্ত হোৱাৰ ফলত মৃত্যু হৈছে।
বুধবাৰলৈ ভাৰতত মুঠ ১৭,৪০০ গৰাকী লোকৰ ক’ৰ’না ভাইৰাছৰ সংক্ৰমণৰ ফলত মৃত্যু হৈছে বুলি ভাৰত চৰকাৰৰ স্বাস্থ্য আৰু পৰিয়াল কল্যাণ মন্ত্ৰ্যালয়ৰ ৱেবচাইটত প্ৰকাশ পাইছে।
ভাৰতত বিগত ২৪ ঘণ্টাত ১৮,৬৫৩ গৰাকী লোক ক’ৰ’নাত আক্ৰান্ত হোৱাৰ ফলত দেশত ক’ৰ’না আক্ৰান্তৰ সংখ্যা ৫,৮৫,৪৯৩ গৰাকীলৈ বৃদ্ধি পায়।
ভাৰতত এতিয়ালৈ ৩,৪৭,৯৭৮ গৰাকী লোক চিকিৎসাৰ অন্তত ক’ৰ’না মুক্ত হৈছে।
বৰ্তমান ভাৰতৰ বিভিন্ন ৰাজ্যৰ চিকিৎসালয় সমূহত মুঠ ২,২০,১১৪ গৰাকী লোক ক’ৰ’না আক্ৰান্ত হৈ চিকিৎসাধীন হৈ আছে।
অসমতো ক’ৰ’নাৰ সংক্ৰমণ তীব্ৰ গতিত বৃদ্ধি পাবলৈ আৰম্ভ কৰিছে। মঙলবাৰে অসমত ৫৭২ গৰাকী লোক ক’ৰ’নাত আক্ৰান্ত হৈছে আৰু ইয়াৰ ভিতৰত ৩৮০ গৰাকী লোক গুৱাহাটী মহানগৰীৰ।