জম্মু-কাশ্মীৰত চি আৰ পি এফৰ তহলদাৰী দল এটাৰ ওপৰত অতৰ্কিতে কৰা সন্ত্ৰাসবাদী আক্ৰমণত এগৰাকী চি আৰ পি এফৰ জোৱান চহিদ হোৱাৰ লগতে এগৰাকী নাগৰিকৰ মৃত্যু হয়।
বুধবাৰে ৰাতিপুৱা জম্মু-কাশ্মীৰৰ চোপোৰেত এই ঘটনাটো সংঘটিত হৈছে।
সন্ত্ৰাসবাদীৰ আক্ৰমণত তিনিগৰাকী চি আৰ পি এফৰ জোৱান আঘাতপ্ৰাপ্ত হৈছে বুলিও জানিব পৰা গৈছে যাৰ ভিতৰত দুগৰাকী জোৱানৰ অৱস্থা সংকটজনক।
চি আৰ পি এফৰ দলৰ ওপৰত সংঘটিত হোৱা এই আক্ৰমণৰ পাছতে অঞ্চলটো নিৰাপত্তাৰক্ষী বাহিনীয়ে ঘেৰাও কৰি ৰাখিছে।
সেনা বাহিনী, চি আৰ পি এফ আৰু জম্মু-কাশ্মীৰ আৰক্ষীয়ে সমগ্ৰ অঞ্চলটোত অক্ৰমণ সংঘটিত কৰা সন্ত্ৰসবাদী সকলৰ সন্ধানত অভিযান অব্যাহত ৰাখিছে।
উল্লেখযোগ্য যে, বিগত ২৪ ঘণ্টাত জম্মু-কাশ্মীৰত নিৰাপত্তাৰক্ষী বাহিনীয়ে পাঁচজন সন্ত্ৰাসবাদীক নিহত কৰিবলৈ সক্ষম হৈছিল বুলি কালি জম্মু-কাশ্মীৰৰ ডি আই জিয়ে উল্লেখ কৰিছিল।
