Coronavirus India: উৎসৱৰ বতৰ আৰম্ভ হোৱাৰ সময়ত দেশত কৰ’নাৰ দৈনিক সংক্ৰমণ নিম্নগামী হোৱাৰ লগতে মৃত্যুৰ সংখ্যা তথা সক্ৰিয় ৰোগীৰ সংখ্যাও হ্ৰাস পোৱা দেখা গৈছে।
শনিবাৰে কেন্দ্ৰীয় স্বাস্থ্য মন্ত্ৰ্যালয়ে প্ৰকাশ কৰা তথ্য অনুসৰি যোৱা ২৪ ঘণ্টাত দেশত নতুনকৈ ক’ৰ’নাত আক্ৰান্ত হৈছে ১৯হাজাৰ ৭৪০ জন লোক। শুকুৰবাৰে দেশত ক’ৰ’নাত আক্ৰান্ত হৈছিল ২১হাজাৰ ২৫৭ জন লোক।
দেশত মুঠ কৰ’না আক্ৰান্তৰ সংখ্যা হৈছে ৩কোটি ৩৫লাখ ৪০হাজাৰ ৯৯৭ জন।
আনহাতে, যোৱা ২৪ ঘণ্টাত দেশত ২৪৮ জন কৰ’না আক্ৰান্ত লোকৰ মৃত্যু হৈছে।
সেইদৰে, দেশত এতিয়ালৈকে মুঠ কৰ’নাত মৃত্যুৰ সংখ্যা ৪লাখ ৫০হাজাৰ অতিক্ৰম কৰিছে।
দেশত যোৱা ২৪ ঘন্টাত সুস্থ হৈ ঘৰলৈ ওভতা ৰোগীৰ সংখ্যা হৈছে ২৩হাজাৰ ৭০জন। সুস্থতাৰ হাৰ হৈছে ৯৭.৯৬ শতাংশ।
Also Read: IPL Big Fight:অন্তিমটো বলত প্ৰয়োজন ৫ৰাণ; ছয় মাৰি কোহলিক বিৰাট জয়ৰ সোৱাদ দিলে ভাৰতীয় ভৰতে
স্বাস্থ্য মন্ত্ৰ্যালয়ৰ তথ্য অনুসৰি দেশত বৰ্তমান সক্ৰিয় ৰোগীৰ সংখ্যা হৈছে ২লাখ ৩৬হাজাৰ ৬৪৩জন। এয়া বিগত ২০৬দিনৰ ভিতৰত সৰ্বনিম্ন।
আনহাতে, দেশত এতিয়ালৈকে প্ৰায় ৯৩কোটি ৯৯ লাখ লোকক কৰ’নাৰ ভেকচিন প্ৰদান কৰা হৈছে।
ইপিনে, বিগত ২৪ ঘন্টাত কেৰেলাত নতুনকৈ ১০হাজাৰ ৯৪৪জন লোক কৰ’নাত আক্ৰান্ত হৈছে। ৰাজ্যখনত কৰ’নাত ২৪ঘন্টাত ১২০জন লোকৰ মৃত্যু হৈছে।
Also Read: এশ-এবুৰি সমস্যাৰে ভাৰাক্ৰান্ত সৰভোগ সমূহীয়া স্বাস্থ্যকেন্দ্ৰ; পৰ্যাপ্ত চিকিৎসক-চিকিৎসাকৰ্মীৰ অভাৱ
উৎসৱৰ বতৰ আৰম্ভ হোৱাৰ সময়তে সংক্ৰমণৰ হাৰ হ্ৰাস পোৱা তথা সক্ৰিয় ৰোগীৰ সংখ্যা হ্ৰাস পোৱাৰ ঘটনা যথেষ্ট স্বস্তিদায়ক বুলি বিবেচিত হৈছে।
অৱশ্যে, দেশত কৰ’না পৰিস্থিতিক কোনো কাৰণতে সহজভাৱে নল’বলৈ বিশেষজ্ঞসকলে আহ্বান জনাইছে।
