ভাৰতীয় হকী দলৰ ফৰৱাৰ্ড মনদীপ সিং ক’ভিড-১৯ত আক্ৰান্ত হৈছে। আজি ভাৰতীয় ক্ৰীড়া প্ৰাধিকৰণ চমুকৈ চাইয়ে এই কথা জনাইছে।
মনদীপ সিঙকে ধৰি এতিয়ালৈকে দলটোৰ মুঠ ছয়গৰাকী তাৰকা খেলুৱৈ ক’ভিড-১৯ত আক্ৰান্ত হৈছে।
জলন্ধৰৰ নিবাসী ২৫ বছৰীয়া মনদীপৰ দেহত ক’ৰ’না ভাইৰাছৰ কোনো লক্ষণ দেখা দিয়া নাছিল যদিও বেংগালুৰুত দলৰ আন সতীৰ্থ সকলৰ সৈতে টেষ্ট কৰাত ৰিপ’ৰ্ট পজিটিভ আহে।
উল্লেখ্য যে অহা ২০ আগষ্টৰ পৰা বেংগালুৰুৰ চাই চেণ্টাৰত ৰাষ্ট্ৰীয় শিবিৰ অনুষ্ঠিত হোৱাৰ কথা আছে।
‘ভাৰতীয় হকী দলৰ সদস্য মনদীপ সিঙৰ লগতে হকী দলৰ আ ২০ জন সদস্যৰ বেংগালুৰুৰ চাই চেণ্টাৰৰ ৰাষ্ট্ৰীয় শিবিৰত ক’ৰ’নাৰ টেষ্ট কৰোৱা হৈছিল। আৰু এই টেষ্টত ছয়গৰাকী খেলুৱৈৰ পজিটিভ আহে’, চাইয়ে এই কথা জনায়।
বৰ্তমান মনদীপ সিঙকে ধৰি আটাই কেইগৰাকী ক’ভিড পজিটিভ খেলুৱৈকে সুকীয়াকৈ ৰাখি চিকিৎসা প্ৰদান কৰি থকা হৈছে বুলি জানিব পৰা গৈছে।
