লাখ লাখ বছৰ আগতে সাগৰৰ পৰা উৎপত্তি হোৱা হিমালয়ৰ বুকুত পোৱা গৈছে ৬০ কোটি বছৰ পুৰণি সাগৰৰ সন্ধান! নাই, তলমল পানী নহয়। বিশ্বৰ সৰ্বোচ্চ পৰ্বতমালাৰ শিল আৰু খনিজ পদাৰ্থবোৰৰ মাজত এতিয়া হেনো জীৱাশ্ম হৈ ৰৈছে সেই মহাসাগৰৰ। এনে দাবীয়েই কৰিছে ভাৰতীয় আৰু জাপানী বিজ্ঞানীসকলে।
তেওঁলোকৰ মতে, পশ্চিম কুমাওঁ হিমালয়ত অৰ্থাৎ অমৃতপুৰৰ পৰা মিলাম হিমবাহ আৰু ডেৰাডুনৰ পৰা গংগোত্ৰী হিমবাহলৈকে বিস্তৃত এলেকাৰ শিলত সাগৰৰ অস্তিত্বৰ প্ৰমাণ পোৱা গৈছে।
লগতে পঢ়ক: SCERT-ৰ ১০৫ কোটি টকীয়া কেলেংকাৰিৰ গোচৰত ১৪৩৩ পৃষ্ঠাৰ চাৰ্জ শ্বীট দাখিল
এই আৱিষ্কাৰ কৰিছে জাপানৰ নিগাটা বিশ্ববিদ্যালয় আৰু বাংগালুৰুৰ ইণ্ডিয়ান ইনষ্টিটিউট অফ ছায়েন্সৰ বিজ্ঞানীসকলে। আই আই এছ চিৰ চেণ্টাৰ ফৰ আৰ্থ চাইন্সেছৰ পি এইচ ডি গৱেষক ছাত্ৰ প্ৰকাশ চন্দ্ৰ আৰ্য্যই ‘প্ৰিকেম্বিয়ান ৰিচাৰ্চ’ শীৰ্ষক এক অধ্যয়নত তেওঁলোকৰ এই আৱিষ্কাৰৰ বিষয়ে সদৰী কৰিছে।
অনুমান কৰা হৈছে যে ৬০ কোটিৰ পৰা ৭০ কোটি বছৰৰ আগতে সেই ঠাইত এখন প্ৰাচীন মহাসাগৰ আছিল। কোৱা হয় যে ভূকম্পনৰ ফলত ভূভাগ দুটা পৰস্পৰে পৰস্পৰৰ ওচৰলৈ আহি থাকিলে টেথিছ সাগৰত জমা হোৱা পলসুৱা শিলাস্তৰত প্ৰচণ্ড চাপ পৰে। দুয়োফালৰ পৰা চাপৰ ফলত সেই শিলৰ স্তৰত ভাঁজৰ সৃষ্টি হয়। লাহে লাহে ই ওপৰলৈ উঠি হিমালয়ৰ সৃষ্টি কৰে।
লগতে পঢ়ক:একেলগে লটাৰী কাটি কোটিপতি হ’ল কেৰালাৰ ১১ গৰাকী মহিলা; ২৫০ টকাত পালে ১০ কোটি!
তেতিয়াই সেই সাগৰখন নোহোৱা হৈ যায় বা স্ফটিকলৈ পৰিণত হয়। কিন্তু অক্সিজেন প্ৰবাহৰ জৰিয়তে সেই পানীৰ অস্তিত্ব এতিয়াও সুউচ্চ পৰ্বতমালাৰ খাজত ৰৈ গৈছে।
