ভাৰতৰ প্ৰথমগৰাকী অস্কাৰ বিজয়ী ভানু আথিয়াৰ দেহাৱসান
ভাৰতৰ প্ৰথমগৰাকী অস্কাৰ বিজয়ী শিল্পী ভানু আথিয়াৰ আজি ৯১ বছৰ বয়সত দেহাৱসান ঘটে।
দীৰ্ঘদিনীয়া শাৰীৰিক অসুস্থতাত ভূগি থকা কষ্টিম ডিজাইনাৰ গৰাকীয়ে বৃহস্পতিবাৰে অন্তিম নিশ্বাস ত্যাগ কৰে।
শিল্পী গৰাকীৰ জীয়ৰীয়ে উল্লেখ কৰা অনুসৰি আথিয়াই টোপনিতে শান্তিৰে শেষ নিশ্বাস ত্যাগ কৰে।
‘‘আজি ৰাতিপুৱা তেওঁৰ দেহাৱসান ঘটে। আঠবছৰ পূৰ্বে আথিয়াৰৰ মগজুত থকা টিউমাৰৰ অস্ত্ৰোপ্ৰচাৰ সম্পন্ন কৰা হৈছিল। বিগত তিনিবছৰ ধৰি তেওঁ পেৰালাইচ হৈ থকা বাবে বিছনাতে থাকিবলগীয়া হৈছিল,’’ ভানু আথিয়াৰ জীয়ৰীয়ে লগতে কয়।
কোহলাপুৰত জন্মগ্ৰহণ কৰা আথিয়াই হিন্দী চলচ্চিত্ৰত কষ্টিউম ডিজাইনাৰ হিচাপে নিজৰ কেৰিয়াৰ আৰম্ভ কৰিছিল।
আথিয়াই ৰিচাৰ্ড এটেনবাৰ্গৰ গান্ধী চলচ্চিত্ৰখনত কৰা কষ্টিউম ডিজাইনিঙৰ কামৰ বাবে শ্ৰেষ্ঠ কষ্টিউম ডিজাইনাৰৰ একাডেমী সন্মান লাভ কৰিবলৈ সক্ষম হৈছিল।
আথিয়াই পাঁচ দশক ধৰি ১০০ ৰো অধিক চলচ্চিত্ৰত সফলতাৰে কষ্টিউম ডিজাইনাৰ হিচাপে কাম কৰিছিল।