গণৰাজ্য দিৱস পেৰেড: বায়ু সেনাৰ প্ৰতীকপটত অংশ ল’লে দেশৰ প্ৰথম গৰাকী মহিলা ৰাফেল যুঁজাৰু জেটপাইলটে
দেশৰ প্ৰথম গৰাকী মহিলা ৰাফেল যুঁজাৰু জেটপাইলট শিৱাংগী সিঙে আজি গণৰাজ্য দিৱসৰ পেৰেডত ভাৰতীয় বায়ু সেনাৰ প্ৰতীকপটৰ অংশ হিচাপে ভাগ লয়।
শিৱাংগী সিং ভাৰতীয় বায়ু সেনাৰ প্ৰতীকপটৰ অংশ হোৱা দেশৰ কেৱল দ্বিতীয় গৰাকী মহিলা যুঁজাৰু জেট পাইলট।
যোৱা বৰ্ষত ফ্লাইট লেফটেনেণ্ট ভৱানা কান্ত বায়ু সেনাৰ প্ৰতীকপটত অংশ হোৱা প্ৰথম মহিলা যুঁজাৰু জেট পাইলট হিচাপে পৰিগণিত হৈছিল।
বাৰাণসীৰ জীয়ৰী শিৱাংগী সিঙে ২০১৭ চনত বায়ু সেনাত যোগদান কৰিছিল আৰু মহিলা যুঁজাৰু পাইলটৰ দ্বিতীয় দলত নিযুক্ত হৈছিল।
Country’s first woman Rafale fighter jet pilot Flight Lieutenant Shivangi Singh is a part of the Indian Air Force tableau as the @IAF_MCC band and marching contingent marches down the Rajpath#RepublicDay #RepublicDayIndia pic.twitter.com/n35YZ0xp4F
— PIB India (@PIB_India) January 26, 2022
ৰাফেলৰ পাইলট হিচাপে নিযুক্ত হোৱাৰ পূৰ্বে শিৱাংগী সিং মিগ-২১ বাইচন বিমানৰ পাইলট আছিল। উল্লেখ্য যে শিৱাংগী পঞ্জাৱৰ আম্বালাৰ বাহিৰত অৱস্থিত ভাৰতীয় গোল্ডেন এৰোছ স্কোয়াড্ৰনৰ অংশ।
এইবাৰ বায়ু সেনাৰ প্ৰতীকপট ‘ভৱিষ্যতৰ বাবে ভাৰতীয় বায়ু সেনাৰ পৰিৱৰ্তন’ শীৰ্ষক বিষয়বস্তুৰ ওপৰত আধাৰিত আছিল।