এইবাৰ তুৰস্কত ভাৰতীয় ক্ৰীড়াই ৰচিলে আন এক ইতিহাস। নিখাত জাৰিন থাইলেণ্ডৰ জিতপং জুতামাচক পৰাস্ত কৰি বিশ্ব চেম্পিয়ন হোৱা পঞ্চমগৰাকী ভাৰতীয় মহিলা বক্সাৰ হ’ল। ফাইনেলত ভাৰতীয় বক্সাৰগৰাকীয়ে ৩০-২৭, ২৯-২৮, ২৯-২৮, ৩০-২৭, ২৯-২৮ ব্যৱধানত বিজয়ী হয়।
তিনিবাৰৰ বিশ্ব চেম্পিয়নক পৰাস্ত কৰি ফাইনেলত উপনীত হোৱা জুতামাচ ভাল ফৰ্মত আছিল যদিও চূড়ান্ত খেলখনত নিখাতে যথেষ্ট আক্ৰমণাত্মক আৰম্ভণি কৰে। ভাৰতীয় বক্সাৰজনে প্ৰথম ৰাউণ্ডৰ তিনি মিনিটতেই জুতাৰ বিৰুদ্ধে সঠিক স্থানত কেইবাটাও পাঞ্চ দিবলৈ সক্ষম হৈছিল।
দ্বিতীয় ৰাউণ্ডত থাই বক্সাৰজনে প্ৰত্যাক্ৰমণ কৰে আৰু নিখাতৰ বিৰুদ্ধে খেলখনত উভতি ধৰিবলৈ চেষ্টা কৰে। কিন্তু নিখাতেও সহজতে এৰি দিবলৈ সাজু নাছিল। অৱশ্যে, দ্বিতীয় ৰাউণ্ডটো ৩-২ ব্যৱধাত জুতামাচৰ পক্ষত যায়।
তৃতীয় ৰাউণ্ডত নিখাতে আক্ৰমণাত্মকভাৱে মেচখনলৈ উভতি আহে। তেওঁৰ আক্ৰমণ ইমানেই শক্তিশালী আছিল যে পাঁচোগৰাকী বিচাৰকে তেওঁৰ পক্ষত ৰায় দিয়ে। ফলস্বৰূপে, ২৫ বছৰীয়া ভাৰতীয় বক্সাৰগৰাকীয়ে ৫২ কিলোগ্ৰাম ফ্লাই-ৱেট শাখাত খিতাপ অৰ্জনত নিজৰ নাম খোদিত কৰে।
জুনিয়ৰ শাখাত প্ৰাক্তন বিশ্ব চেম্পিয়ন মেৰী কম, সৰিতা দেৱী, জেনি আৰএল আৰু লেখা কেচিৰ পিছত নিখাত হ’ল বিশ্ব চেম্পিয়ন হোৱা পঞ্চম গৰাকী ভাৰতীয় মহিলা।
মনীষা মৌন (৫৭ কিলোগ্ৰাম) আৰু পাৰবীন হুডাই (৬৩ কিলোগ্ৰাম) এই শাখাত ব্ৰঞ্জৰ পদক অৰ্জন কৰাৰ লগে লগে ভাৰতীয় বক্সাৰসকলে এই বছৰ তিনিটা পদক লাভ কৰি বিশ্ব চেম্পিয়নশ্বিপৰ দৌৰ সমাপ্ত কৰে।
ONE FOR THE HISTORY BOOKS ✍️ 🤩
⚔️@nikhat_zareen continues her golden streak (from Nationals 2021) & becomes the only 5️⃣th 🇮🇳woman boxer to win🥇medal at World Championships🔥
Well done, world champion!🙇🏿♂️🥳@AjaySingh_SG#ibawwchs2022#IstanbulBoxing#PunchMeinHaiDum#Boxing pic.twitter.com/wjs1mSKGVX
— Boxing Federation (@BFI_official) May 19, 2022
প্ৰতিযোগিতাখনত তিনিটা পদক জয় কৰাৰ পিছতে পদক জয়ৰ ক্ষেত্ৰত ভাৰতে সৰ্বকালৰ অভিলেখৰ তালিকাত ৰাছিয়া (৬০) আৰু চীন (৫০)ৰ পিছত তৃতীয় স্থানলৈ উন্নীত হয়।
ভাৰতীয় বক্সাৰসকলে বিশ্ব চেম্পিয়নশ্বিপত মুঠ ৩৯ টা পদক জিকিছে, যাৰ ভিতৰত আছে ১০ টা সোণ, আঠটা ৰূপ আৰু ২১ টা ব্ৰঞ্জৰ পদক। 12 জনৰ ভিতৰত আঠজন ভাৰতীয় বক্সাৰে এই বছৰ প্ৰতিযোগিতাখনৰ কমেও কোৱাৰ্টাৰ ফাইনেলত উপনীত হৈছে, যিটো তুৰ্কীৰ সৈতে যুটীয়াভাৱে সৰ্বাধিক।
