নিশা মধুলিকা, ভাৰতীয় ডিজিটেল মাধ্যমৰ অন্যতম জনপ্ৰিয় নাম৷ তেওঁৰ ইউটিউব চেনেল “নিশা মধুলিকা”-ৰ জৰিয়তে ব্যাপক খ্যাতি লাভ কৰিছে। উত্তৰ প্ৰদেশৰ এক সাধাৰণ পৰিয়ালত জন্ম গ্ৰহণ কৰা নিশা মধুলিকাই প্ৰথমে শিক্ষয়িত্ৰী হিচাপে কৰ্মজীৱন আৰম্ভ কৰিছিল, আৰু তেওঁৰ স্বামী এম এছ গুপ্তাই ব্যৱসায়ত তেওঁৰ সহায় কৰিছিল। তাৰপিছত, তেওঁ আৰু তেওঁৰ স্বামী নয়ডালৈ স্থানান্তৰিত হয়, আৰু ইয়াৰ পৰা নিশাৰ ইউটিউব কেৰিয়াৰ আৰম্ভ হয়।
নিশাই ২০০৯ চনত তেওঁৰ ইউটিউব চেনেল আৰম্ভ কৰিছিল, য’ত তেওঁ সৰল আৰু পৰম্পৰাগত ভাৰতীয় নিৰামিষ ৰেচিপি প্ৰস্তুত কৰি দেখুৱাইছিল। হিন্দী ভাষাত ভিডিঅ’বোৰ নিৰ্মাণ কৰি তেওঁ ভাৰত আৰু বিদেশত লাখ লাখ দৰ্শকৰ সৈতে সংযোগ স্থাপন কৰিবলৈ সক্ষম হৈছে।
আজিৰ দিনত, তেওঁৰ চেনেলটোৰ ১৪.৫ মিলিয়ন ছাবস্ক্ৰাইবাৰ আৰু ২,৩০০ৰো অধিক ভিডিঅ’ পোষ্ট হৈছে। নিশাৰ ভিডিঅ’বোৰ সকলো বয়সৰ মানুহৰ মাজত অত্যন্ত জনপ্ৰিয়। তেওঁৰ সৰল ভাষা আৰু সহজ পদ্ধতিত ৰন্ধন শিকোৱাৰ শৈলীই ভাৰতীয় আৰু পাশ্চাত্যৰ দৰ্শকক একে সমান আকৰ্ষিত কৰিছে। নিশাৰ চেনেলত জলপান, মিঠাই আৰু দৈনন্দিন খাদ্যৰ ৰেচিপি থাকে, য’ত সহজে উপলব্ধ উপাদান ব্যৱহাৰ কৰি খাদ্য প্ৰস্তুত কৰাৰ পদ্ধতি দেখুওৱা হয়।
আজিৰ দিনত, নিশা মধুলিকা ভাৰতৰ অন্যতম বৃহৎ ইউটিউব ফুড চেনেলৰ অধিকাৰী, আৰু তেওঁৰ মুঠ উপাৰ্জন প্ৰায় ৪৩ কোটি টকা হ’ব বুলি অনুমান কৰা হৈছে। তেওঁৰ প্ৰতিমাহে লক্ষাধিক টকা উপাৰ্জন কৰাৰ কথা জনা গৈছে।
