আইছিছৰ পাঠশালাত পৰিণত টিকটক?

বিশ্বজুৰি আইছিছৰ পাঠশালাত পৰিণত হৈছে নেকি অসমতো বহুলভাৱে জনপ্ৰিয় ভিডিঅ’ চেয়াৰিং এপ টিকটক?

ৱল ষ্ট্ৰীট জাৰ্নেলৰ বাতৰিমতে, ইছলামিক ষ্টে’টে নতুন প্ৰজন্মৰ মাজত প্ৰচাৰ চলোৱাৰ বাবে টিকটকৰ ব্যৱহাৰ কৰিছে।

খবৰমতে, মৰাশ লৈ বন্দুকধাৰী আই এছ জিহাদীয়ে পথত সমদল উলিওৱাৰ দৰে ভিডিঅ’ও টিকটকত ব্যাপকৰূপত বিয়পি আছে।

চ’চিয়েল মিদিয়া ইণ্টেলিজেন্স কোম্পানি Storyfulএ বোলে এনে বহু ভিডিঅ’ৰ ওপৰত টিকটক কৰ্তৃপক্ষক অভিযোগ কৰিছে। আৰু এনে ২৪টা একাউণ্ট বন্ধ কৰা হৈছে।

এটা ভিডিঅ’ত এগৰাকী মহিলাই ” জিহাদীসকল আৰু (আমি) গৌৰৱান্বিত (jihadist and proud)” বুলি কোৱাও দেখা গৈছে।

বিবিচিয়েও বাতৰিটো প্ৰচাৰ কৰিছে।

এমেৰিকাস্থিত কোম্পানি ইউটিউব, টুইটাৰ আৰু ফে’চবুকৰ জৰিয়তে পচিমীয়া দেশসমূহতো মৌলবাদী আই এছে চেমনীয়াক প্ৰভাৱিত কৰাৰ বহু বাতৰি বিভিন্ন সময়ত প্ৰকাশ পাইছে।

টিকটকৰ মালিক বেইজিংস্থিত কোম্পানি বাইটদান্সে এনে কাম ৰোধাৰ বাবে বহু মানৱ মদাৰে’টৰ আৰু কৃত্ৰিম বুদ্ধিমত্তাযুক্ত চফ্তৱেয়াৰ লগোৱা সত্ত্বেও সফল হ’ব পৰা নাই।

আই এছ নেতা আবু বকৰ অল-বাঘদাদীয়ে যোৱা মাহত তেওঁৰ সতীৰ্থসকলক দুগুণ জোৰেৰে কাম কৰিবলৈ আহ্বান জনাইছিল।