আমেৰিকান সেনাৰ এলিট বাহিনীৰ আক্ৰমণত নিহত হৈছে সন্ত্ৰাসবাদী সংগঠন ইছলামিক ষ্টেট (আইএছ)ৰ এজন শীৰ্ষ নেতা। ছিৰিয়াৰ উত্তৰ-পশ্চিম সীমান্তৰ ইদলিব প্ৰদেশত বুধবাৰে নিশা অভিযান চলাইছিল আমেৰিকান সেনা বাহিনীয়ে।
আমেৰিকান সেনাৰ অভিযানত নিহত হৈছে আই এছৰ নেতা আবু ইব্ৰাহিম আল-হাছিমি আল-কুৰেছিৰ। বৃহস্পতিবাৰে আমেৰিকাৰ ৰাষ্ট্ৰপতি জো বিডেনে এইকথা সদৰী কৰে।
ইয়াৰ পূৰ্বে সেই একেই অঞ্চলতে আইএছৰ মুৰব্বী আবু বক্কৰ আল বাগদাদিৰ মৃত্যু হৈছিল। বাগদাদিৰ মৃত্যুৰ পাছত আইএছৰ দায়িত্ব লৈছিল কুৰেছিয়ে। সংগঠনত তেওঁৰ নাম আছিল আমিৰ মহম্মদ ছৈয়দ আবদাল-ৰহমান আল-মৌলা।
লগতে পঢ়ক:জনপ্রিয়তা হেৰুৱাইছে! ১৭বছৰত প্ৰথমবাৰ হ্ৰাস পালে Facebook ব্যৱহাৰকাৰীৰ সংখ্যা; কিমান পালে হ্রাস?
শেহতীয়াকৈ আফগানিস্তানৰ দৰে ছিৰিয়াতো আইএছৰ উত্থান ঘটিছে। দেশখনৰ উত্তৰ-পশ্চিম অঞ্চলটোত ধাৰাবাহিক সন্ত্ৰাস চলাইছে সন্ত্ৰাসবাদী সংগঠনটোৱে।
যোৱা মাহৰ অন্তিম ভাগত ছিৰিয়াৰ এখন কাৰাগাৰ দখল কৰাৰ বাবে একেৰাহে দহ দিন ধৰি আইএছে আক্ৰমণ চলাইছিল। এই আক্ৰমণৰ নেতৃত্ব দিছিল কুৰেছিয়ে।
আমেৰিকান সেনাৰ মুখপাত্ৰই জানিবলৈ দিয়া মতে বাগদাদিৰ দৰেই মৃত্যু ঘটিছে কুৰেছিৰো। আমেৰিকান সেনাক দেখি সন্ত্ৰাসবাদী নেতাজনে আত্মঘাতী বিস্ফোৰণ ঘটোৱাত মহিলা আৰু শিশুকে ধৰি কুৰেছিৰ পৰিয়াল আন সদস্যসকলৰো মৃত্যু ঘটে। বিস্ফোৰণটোত মুঠ ১৩জনৰ মৃত্যু ঘটা বুলি কোৱা হৈছে।
লগতে পঢ়ক:হাইস্কুলৰ ৬২৯৩ টা স্নাতক শিক্ষক পদৰ মেধা তালিকাত হোৱা গুৰুতৰ বিসংগতি দূৰ কৰকঃ ডি ৱাই এফ আই
সূত্ৰসমূহে জানিবলৈ দিয়া মতে আমেৰিকান এলিট বাহিনীয়ে হেলিকপ্টাৰেৰে অভিযান চলাইছিল। কুৰেশিৰ ঘাটিত আমেৰিকান সেনা উপস্থিত হোৱাৰ লগে লগে সন্ত্ৰাসবাদীসকলে গুলীচালনা আৰম্ভ কৰে। দুঘন্টা ধৰি চলা গুলীৰ সংঘৰ্ষৰ মাজতে শুনা গৈছিল সেই প্ৰচণ্ড বিস্ফোৰণৰ শব্দ।
