ভাৰতীয় মহাকাশ গৱেষণা কেন্দ্ৰ (ইছৰো)ৱে দেওবাৰে ব্ৰাজিলৰ আমাজনীয়া-১ ছেটেলাইটটো সফলভাৱে নিক্ষেপণ কৰিছে। ইয়াৰ লগতে ইছৰোৱে নিজাকৈও ১৮টাকৈ ছেটেলাইট নিক্ষেপ কৰে।
ইয়াৰে চেটেলাইট- সতীশ ধাৱান চেটেলাইটত প্ৰধামন্ত্ৰী নৰেন্দ্ৰ মোডীৰ ফটো খোদিত কৰা হৈছে। ছেটেলাইটটো প্ৰস্তুত কৰিছে চেন্নাইৰ স্পেচ কিডছ ইণ্ডিয়াই।
‘‘ইয়াৰ দ্বাৰা প্ৰধানমন্ত্ৰীৰ আত্মনিৰ্ভৰ আঁচনি আৰু স্পেচ প্ৰাইভেটাইজেচনৰ প্ৰতি একাত্মীয়তা আৰু কৃতজ্ঞতা প্ৰদৰ্শন কৰা হৈছে।’’ স্পেচ কিড ইণ্ডিয়াই কয়।
প্ৰধানমন্ত্ৰীৰ ছৱিৰ উপৰিও ছেটেলাইটটোৱে এটা এছডি কাৰ্ডত ভাগৱত গীতাও মহাকাশলৈ কঢ়িয়াই নিছে।
ইছৰোৰ এই মিছনটো মূলতঃ ব্ৰাজিলৰ ৬৩৭ কিলোগ্ৰাম ওজনৰ আমাজনীয়া-১ ছেটেলাইটটো মহাকাশলৈ নিক্ষেপ কৰিবলৈকে লোৱা হৈছিল। উল্লেখযোগ্য যে ভাৰতৰ পৰা পঠোৱা ব্ৰাজিলৰ এইটো প্ৰথমটো ছেটেলাইট।
আমাজনীয়া-১য়ে আমাজন অভয়াৰণ্যৰ নিৰ্বনানীকৰণ আৰু ব্ৰাজিলৰ কৃষিভূমিৰ বৈচিত্ৰতাৰ বিষয়ে বিশ্লেষণাত্মক তথ্য আগবঢ়াব বুলি ইছৰোৱে আশা প্ৰকাশ কৰিছে।
ইছৰোৰ সচিবপ্ৰধান কে ছিভানে আমাজনীয়া-১ৰ স’তে জড়িত ব্ৰাজিলৰ টীমটোক অভিনন্দন জ্ঞাপন কৰিছে।
Congratulations President @jairbolsonaro on the successful launch of Brazil’s Amazonia-1 satellite by PSLV-C51. This is a historic moment in our space cooperation and my felicitations to the scientists of Brazil. @isro
— Narendra Modi (@narendramodi) February 28, 2021
আনহাতে প্ৰধানমন্ত্ৰী নৰেন্দ্ৰ মোডিয়ে ব্ৰাজিলৰ ৰাষ্ট্ৰপতি জেইৰ বলছনাৰোলে টুইটাৰত পঠোৱা এটা অভিনন্দন বাৰ্তাত কয় যে স্পেছ ক’অপাৰেচনৰ ক্ষেত্ৰত এয়া এক ইতিহাসপ্ৰসিদ্ধ পদক্ষেপ।
