ভাৰত-পাকিস্তান আন্তঃৰাষ্ট্ৰীয় সীমাৰ ওচৰত জম্মু-কাশ্মীৰ আৰক্ষীয়ে কৰায়ত্ত কৰা সন্দেহযুক্ত পাকিস্তানী চোৰাংচোৱা পাৰ চৰাইটোক আজি মুকলি কৰি দিয়া হয়।
পাৰ চৰাইটো মুকলি কৰি দি আৰক্ষীয়ে চৰাইটোৰ লগত কোনোধৰণৰ সন্দেহযুক্ত বস্তু পোৱা নাই বুলি উল্লেখ কৰে।
পাৰ চৰাইটোক মুকলি কৰি দিয়াৰ পাছতে চৰাইটোৱে পাকিস্তানৰ হাবিবুল্লাৰ ওচৰলৈ উৰা মাৰে।
পাকিস্তানৰ নাগৰিক হাবিবুল্লাই ভাৰতে আটক কৰা পাৰ চৰাইটোক এটা শান্ত পাৰ চৰাই আখ্যা দি চৰাইটোৱে ‘পাৰ চৰাই প্ৰতিযোগিতা’ত অংশগ্ৰহণ কৰি ভাৰতলৈ উৰি আহিছিল বুলি কৈছিল।
হাবিবুল্লাই পাৰ চৰাইৰ ভৰিত লিখা থকা সংখ্যা কেইটা তেওঁৰ ফোন নম্বৰ বুলিও লগতে কছিল।
বিবিচিৰ বাতৰি অনুসৰি ভাৰতৰ সীমান্তৰ পৰা মাত্ৰ ৪ কিলোমিটাৰ নিলগৰ এজন গঞাই ঈদ উদযাপনৰ সময়ত এৰি দিছিল পাৰ চৰাইজনী।
ইফালে ভাৰতত প্ৰৱেশ কৰাৰ পিছত পাকিস্তানে চোৰাংচোৱাগিৰী কৰাৰ সন্দেহত পাৰ চৰাইজনীক আৱদ্ধ কৰি থোৱা হৈছিল।
২০১৫ চনৰ মে’ত সীমান্তৰ এখন গাঁৱত এটা ১৪ বছৰীয়া কিশোৰে এজনী পাকিস্তানী পাৰ চৰাই চিনাক্ত কৰাৰ পিছত পাৰজনীক আৰক্ষীয়ে গ্ৰেপ্তাৰ কৰিছিল।
আনকি ২০১৬ৰ অক্টোবৰ মাহতো ভাৰতৰ প্ৰধানমন্ত্ৰীক প্ৰদান কৰা ভাবুকি সম্বলিত পত্ৰৰ সৈতে এটি পাকিস্তানী পাৰ চৰাইক আটক কৰা হৈছিল।
