ভাৰতত থকা জাপানী কোম্পানী সমূহৰ কাম পুনৰ আৰম্ভ কৰাৰ বাবে ভাৰত চৰকাৰক অনুৰোধ জাপানৰ
সমগ্ৰ বিশ্বজুৰি ক’ৰ’না মহামাৰীৰ সংহাৰী ৰূপৰ বাবে বিভিন্ন ঔদ্যোগ-প্ৰতিষ্ঠানসমূহ বন্ধ হৈ থাকিবলগীয়া হৈছে।
জাপানৰ বৈদশিক পৰিক্ৰমা মন্ত্ৰী মোটেজি ট’ছিমিছুই ভাৰতৰ বৈদিশিক পৰিক্ৰমা মন্ত্ৰী এছ জয়শংকৰৰ সৈতে টেলিফোনিক বাৰ্তালাপত অংশ লৈ ভাৰতত থকা জাপানী কোম্পানী সমূহ খোলাৰ ক্ষেত্ৰত সহযোগিতাৰে ব্যৱস্থা গ্ৰহণৰ বাবে অনুৰোধ জনায়।
বৰ্তমান ভাৰতত ১,৪০০ অধিক জাপানী কোম্পানী আছে।
টেলিফোনিক বাৰ্তালাপৰ সময়ত জাপানী বৈদেশিক মন্ত্ৰী গৰাকীয়ে ক’ৰ’নাৰ সংক্ৰমণৰ সময়ত ভাৰতত থকা জাপানী লোক সকললৈ ভাৰত চৰকাৰে আগবঢ়োৱা সহায়ৰ বাবে কৃতজ্ঞতা জ্ঞাপন কৰে।
ভাৰতত জাপানৰ উপৰিও দক্ষিণ কোৰিয়াৰ বহু কোম্পানীয়ে কাম কৰি আছে।
উল্লেখযোগ্য যে, ভাৰতৰ লগতে জাপানতো ক’ৰ’না ভাইৰাছৰ সংক্ৰমণ বৃদ্ধি পাইছে।
জাপানৰ প্ৰধান মন্ত্ৰীয়ে দেশখনত ক’ৰ’না ভাইৰাছৰ বাবে জৰুৰীকালীন অৱস্থা ঘোষণা কৰিছে।
জাপানৰ ৰাজধানী টকিঅ’ত অনুষ্ঠিত হ’বলগীয়া টকিঅ’ অলিম্পিক-২০২০ ক’ৰ’নাৰ সংক্ৰমণৰ বাবে ২০২১ চনলৈ পিছুৱাই দিবলগীয়া হৈছে।