নিৰ্ভীক সাংবাদিক পৰাগ ভূঞাৰ ৰহস্যজনক দুৰ্ঘটনাৰ সকলো দিশ সামৰি তদন্তৰ দাবী মাৰ্ঘেৰিটাৰ বিভিন্ন দল-সংগঠনৰ
‘এজন সাংবাদিকৰ মৃত্যু মানে সমাজখনৰ এটা মুধৰ খুঁটা খহি পৰাৰ দৰে কথা। সাংবাদিকসকলে সমাজত চলি থকা দুষ্কাৰ্য আৰু সু-কাৰ্যৰ ওপৰত কঠোৰ দৃষ্টি ৰাখি সমাজখন সুস্থিৰভাৱে পৰিচালনাত সহায় কৰে।’ এই ক্ষেত্ৰত পৰাগ ভূঞাও এক আপোচবিহীন সাংবাদিক আছিল এই মন্তব্য মাৰ্ঘেৰিটা মহাবিদ্যালয়ৰ অসমীয়া বিভাগৰ মুৰব্বী অধ্যাপক ড° ৰমেন হাজৰিকাৰ।
তিনিচুকীয়া জিলা সাংবাদিক সন্থাৰ আহ্বানক্ৰমে সমগ্ৰ জিলাৰ লগতে মাৰ্ঘেৰিটা সাংবাদিক সন্থাই আজি উত্তৰ মাৰ্ঘেৰিটা ৰঙ্গমঞ্চত অনুষ্ঠিত কৰা শ্ৰদ্ধাঞ্জলি অনুষ্ঠানত অংশগ্ৰহণ কৰি সুবক্তা ড° হাজৰিকাই ভূঞাৰ যদিহে পৰিকল্পিত হত্যাকাণ্ড হৈছে তেন্তে যথোচিত তদন্ত হওক বুলিও দাবী কৰে।
মাৰ্ঘেৰিটা শাখা সাহিত্য সভাৰ সভাপতি দেৱজিৎ বৰুৱাই সকলোকে তীক্ষ্ণ দৃষ্টি ৰাখিবলৈ আহ্বান জনাই কয় যদিহে এয়া পৰিকল্পিত হত্যাকাণ্ড তেন্তে কোনো শক্তিয়ে যাতে দুৰ্ঘটনাৰ ৰূপ দিব নোৱাৰে। তিনিচুকীয়া জিলা সাংবাদিক সন্থাৰ সাধাৰণ সম্পাদক ৰাণাজ্যোতি নেওগে তদন্তৰ আওতালৈ সন্দেহজনক সকলো দিশ সামৰি লৈ ৰাজনৈতিক প্ৰভাৱমুক্ত তদন্তৰ পোষকতা কৰে।
মাৰ্ঘেৰিটা সাংবাদিক সংস্থাৰ সভাপতি ৰামপ্ৰসাদ আম্বেদকাৰৰ পৰিচালনাত অনুষ্ঠিত শ্ৰদ্ধাঞ্জলি অনুষ্ঠানটোত অজাযুছাপ নেতা কাঞ্চন বৰা, ছাত্ৰ মুক্তিৰ পাপু দত্ত, সমাজসেৱক জ্যোতিষ ৰাই, মাৰ্ঘেৰিটা জিলা কংগ্ৰেছ কমিটিৰ সভাপতি মনোৰঞ্জন বৰগোঁহাই, আহোম সভাৰ ৰাজীৱ বৰুৱা আদিয়ে বক্তব্য আগবঢ়ায়।
প্ৰতিজন বক্তাই ৰহস্যজনক দুৰ্ঘটনাত নিহত কাকপথাৰৰ জ্যেষ্ঠ সাংবাদিক পৰাগ ভূঞাই ন্যায় পাবনে? নে ৰাজ্যৰ ন্যায় বঞ্চিত শ্বহীদ সাংবাদিকসকলৰ তালিকাত পৰাগ ভূঞাৰ নামো অন্তভুক্ত হ’ব —এই প্ৰশ্ন উত্থাপন কৰে।
অনুষ্ঠানটোত মাৰ্ঘেৰিটা লেখিকা সংস্থাৰ ড° ৰুনজুণ শইকীয়া, বিতুমণি মালিয়া, ৰেড ক্ৰ’ছ চ’ছাইটিৰ সম্পাদক পবিত্ৰ বৰগোঁহাই, মাৰ্ঘেৰিটা শাখা সাহিত্য সভাৰ মনজিৎ ৰাজখোৱা, মাৰ্ঘেৰিটা শাখা কবি সন্মিলনৰ সভাপতি অশ্বিনী গগৈ, আছাৰ ৰামানুজ লাক্ৰা, নোৱেল পাথৰ, অজাযুছাপৰ বিমল সিং আহোম সভাৰ উৎপল কোঁৱৰ, অসম জাতীয়তাবাদী যুৱ পৰিষদৰ বিনুদ দাস, ভোজপুৰী সমাজ বাজাৰ কমিটি মাৰ্ঘেৰিটা আঞ্চলিক ছাত্ৰ সদস্যসকল, আটছা আদিৰ প্ৰতিনিধিৰ লগতে যুৱনেতা নিলাভজ্যোতি কোঁৱৰ, লক্ষ্যধৰ সোণোৱাল সাংবাদিক পাৰ্থ প্ৰতীম গোস্বামী, সমীৰণ বৰঠাকুৰ, মানস প্ৰতিম গগৈ সোণাৰাম কলিতা, তপন দে, ফাইজুৰ ৰহমান, শ্যামল নেওগ, উজ্জ্বল চৌধুৰী, জাহিদ, প্ৰাঞ্জল বৰুৱা, হেমন্ত ঘোষ আদি প্ৰায়সংখ্যক সাংবাদিকেই উপস্থিত থাকি প্ৰয়াত জ্যেষ্ঠ সতীৰ্থগৰাকীৰ প্ৰতি শ্ৰদ্ধাঞ্জলি জ্ঞাপন কৰে।