কলিয়াবৰত অসম ভিত্তিত মুকলি কাৰাটে প্ৰতিযোগিতা
কলিয়াবৰৰ স্থানীয় যুৱক তথা ৰাইজৰ ব্যৱস্থাপনা আৰু সদৌ অসম চটোকান কাৰাটে ড’ৰ সহযোগত দুদিনীয়া কাৰ্যসূচীৰে ১১ আৰু ১২আগষ্টত কাৰাটে প্ৰতিযোগিতাৰ আয়োজন কৰা হৈছে।
এই প্ৰতিযোগিতা কলিয়াবৰৰ নলতলিৰ ৰাজীৱ গান্ধী ক্ৰীড়াংগণত অনুষ্ঠিত হৈছে।
শনিবাৰে পুৱা ৯ বজাত কলিয়াবৰৰ মহকুমাধিপতি বিতোপন নেওগে কাৰাটে প্ৰতিযোগিতখান আনুষ্ঠানিকভাৱে উদ্বোধন কৰে।
বিয়লি ৫.৩০ বজাৰ পৰা আৰম্ভ হোৱা প্ৰতিযোগিতাখনত অসমৰ ভিন্ন প্ৰান্তৰ পৰা অহা প্ৰায় ৪০ জন প্ৰতিযোগীয়ে ইতিমধ্যে অংশ গ্ৰহণ কৰিছে বুলি আয়োজক সমিতিৰ ফালৰ পৰা জানিব পৰা গৈছে।
পুৰষ-মহিলা উভয় শাখাতে অনুষ্ঠিত প্ৰতিযোগিতাত গুৱাহাটী,নগাওঁ, ৰহা,দেৰগাঁও আদি অঞ্চলৰ প্ৰতিযোগীয়ে অংশ লৈছে।
কাৰাটে প্ৰতিযোগিতাখনত বয়সৰ ওপৰত ভিত্তি কৰি জুনিয়ৰ, ছাব জুনিয়ৰ আৰু চিনিয়ৰ শাখাত প্ৰতিযোগিতা অনুষ্ঠিত হৈছে।
তাৰোপৰি ওজনৰ ভিত্তিত১০-২০কেজি, ২০-৪০কেজি, ৪০-৫০কেজি আৰু ৫০-৫০ৰ ঊৰ্ধ্বত প্ৰতিযোগী সকলক ভাগ কৰা হৈছে।