সংবাদ মাধ্যমৰ সূত্ৰ অনুসৰি এই সপ্তাহতে মুখ্য ন্যায়াধীশলৈ এই পত্ৰ লিখা হৈছে। কেইবাটাও বিষয়ৰ ওপৰত আলোকপাত কৰা হৈছে। উদাহৰণ হিচাপে শেহতীয়াকৈ কেজৰিৱালৰ জামিন নিলম্বনৰ কথা উল্লেখ কৰা হৈছে। পত্ৰখনত কোৱা হৈছে যে, ‘আবকাৰী গোচৰত কেজৰিৱালক জামিন মঞ্জুৰ কৰিলে দিল্লীৰ ৰাউজ এভিনিউ আদালতে। কিন্তু এই নিৰ্দেশ আপলোড কৰাৰ পূৰ্বে কেন্দ্ৰীয় সংস্থা ইডিয়ে দিল্লী উচ্চ ন্যায়ালয়ত প্ৰত্যাহ্বান জনায়। দিল্লী উচ্চ ন্যায়ালয়ৰ ন্যায়াধীশ সুধীৰ কুমাৰ জৈনে ইডিক গোচৰটো দাখিল কৰিবলৈ অনুমতি দিয়ে আৰু পিছদিনা শুনানিৰ বাবে গোচৰটো তালিকাভুক্ত কৰা হয়। নিম্ন আদালতৰ নিৰ্দেশ আপলোড কৰাৰ সময়তে সমগ্ৰ ঘটনা সংঘটিত হয়। এইটো এটা ডাঙৰ চিন্তাৰ বিষয়।”
পত্ৰখনত অধিবক্তাসকলে কয় যে ভাৰতীয় ন্যায়পালিকাৰ ইতিহাসত এনে ঘটনা আগতে হোৱা নাই। এই দেশৰ জনসাধাৰণে অতি আশা আৰু আত্মবিশ্বাসেৰে আদালতৰ কাষ চাপিছিল। এই আস্থাক ন্যায়পালিকাৰ আৰু অধিবক্তাৰ জৰিয়তে সুৰক্ষিত কৰিব লাগিব। সেই কথা মনত ৰাখিয়েই আমি আমাৰ উদ্বেগ প্ৰকাশ কৰোঁ।
ইয়াৰ উপৰিও প্ৰতিখন শুনানিতে জামিনৰ আবেদনত স্থগিতাদেশ দিয়াৰ তাৰিখৰ পাছত তাৰিখৰ বিষয়টোক লৈও উদ্বেগ প্ৰকাশ কৰিছে পত্ৰখনত। বিশেষকৈ ইডি, চিবিআইৰ সৈতে জড়িত গোচৰত এনে ঘটনা বাৰে বাৰে পৰ্যবেক্ষণ কৰিব পৰা যায়। পত্ৰখনত কোৱা হৈছে যে এই বিষয়সমূহ ন্যায়ৰ বিপৰীত আৰু হোৱাটো অনুচিত।
