কেৰালাৰ কোল্লামত এটা চাইবাৰ জালিয়াতিৰ ঘটনা পোহৰলৈ আহিছে। অৱশ্যে ঘটনা সংঘতিত হোৱৰ পূৰ্বেই আৰক্ষীৰ জালত পৰিল এজন প্ৰৱঞ্চক। জানিব পৰা মতে জিলা আৰক্ষী অধীক্ষক বিষু প্ৰতীপটী কেৰ ৰূপ লৈ হোৱাটছএপৰ জৰিয়তে আৰক্ষী বিষয়াগৰাকীৰ ককায়েকৰ পৰা ৪০ হাজাৰ টকা বিচাৰিছিল। ইউনিফৰ্ম পৰিহিত অধীক্ষকৰ প্ৰফাইল পিকচাৰ ব্যৱহাৰ কৰি প্ৰৱঞ্চকে বাৰ্তা প্ৰেৰণ কৰিছিল, যদিও সতৰ্ক আৰক্ষীয়ে লগে লগে জ্যেষ্ঠ বিষয়া সকলক খবৰ দিয়ে।
পৰৱৰ্তীসময় ছ’চিয়েল মিডিয়া মনিটৰিং চেল আৰু চাইবাৰ আৰক্ষীয়ে ঘটনাটোৰ তদন্ত আৰম্ভ কৰি ভাৰতীয় ন্যায় সংহিতা আৰু তথ্য প্ৰযুক্তি আইনৰ অধীনত প্ৰতাৰণা, পৰিচয় চুৰি আৰু ছদ্মবেশেৰে প্ৰৱঞ্চনাৰ গোচৰ ৰুজু কৰে। তদন্তত পোহৰলৈ আহিছে যে প্ৰৱঞ্চকজনে নতুন দিল্লীৰ ছ্ংগেটত থকা এটা বেংক একাউণ্টত ধন ট্ৰেন্সফাৰ কৰিবলৈ অনুৰোধ কৰিছিল। বৰ্তমান আৰক্ষীয়ে একাউণ্টধাৰীজনক চিনাক্ত কৰাৰ লগতে আন চাইবাৰ অপৰাধৰ সৈতে সম্পৰ্ক থকা বুলি সন্দেহ প্ৰকাশ কৰিছে।
যোৱা কেইবছৰত কেৰালাত এনে বহু কেলেংকাৰীৰ ঘটনা সংঘটিত হৈছে, য’ত প্ৰৱঞ্চকে জ্যেষ্ঠ বিষয়া, ব্যৱসায়ীৰ ৰূপ লৈ মানুহক প্ৰৱঞ্চনা কৰিছে। পূৰ্বৰ কেইটামান ঘটনাত ব্যক্তিগত প্ৰতিষ্ঠানৰ বিত্ত বিষয়া কেইজনেও কেলেংকাৰীৰ ফান্দত পৰি ধন হেৰুৱাবলগীয়া হৈছিল।
