নতুন দিল্লীত অনুষ্ঠিত হোৱা ইণ্টাৰনেশ্যনেল কমবেট গেইমছ (আই চি জি)ত ১২টাকৈ পদক দখল কৰা অৰুণাচল প্ৰদেশৰ মুস্তি যোদ্ধাৰ দলক প্ৰশংসাৰে ওপচাই পেলাইছে কেন্দ্ৰীয় ৰাজ্যিক ক্ৰীড়া মন্ত্ৰী কিৰেন ৰিজিজুয়ে।
প্রতিোগিতাখনত অৰুণাচল প্রদেশৰ দলটোৱে ১১টা সোণ আৰু এটা ৰূপৰ পদক অৰ্জন কৰিছে।
খেলুৱৈসকলৰ সাফল্যত উৎফুল্লিত ৰিজিজুৱে টুইটযোগে কয়, ‘ইয়াত অনুষ্ঠিত হোৱা ইণ্টাৰনেশ্যনেল কমবেট গেইমছত অৰুণাচল প্ৰদেশে যথেষ্ট ভাল ফলাফল দেখুৱাইছে, ১২টা পদকৰ ভিতৰত ১১টায়ে সোণ’।
পুৰুষৰ ছিনিয়ৰ শাখাত ডামদো য়ামছা, মাৰপু য়িগাম, ৰবিন নাটুং, কিৰবা ললেন, টাছেন ৰুটি, মলি নমদিৰ আৰু ন্যিউমাৰ বাগৰাই এটাকৈ সোণৰ পদক লাভ কৰে।
আনহাতে মহিলাৰ ছিনিয়ৰ শাখাত সোণৰ পদক লাভ কৰা খেলুৱৈ কেইগৰাকী হ’ল কানু য়মছা, বি ললেন আৰু জাম্বন ললেন।
ইয়াৰ উপৰি পুৰুষৰ জুনিয়ৰ শাখাত নিয়ছাৰ লিকাৰে স্বৰ্ণ অৰ্জন কৰাৰ লগতে একমাত্ৰ ৰূপৰ পদকটো লাভ কৰে মহিলাৰ ছিনিয়ৰ শাখাৰ খেলুৱৈ কাটু য়মছাই।
ইণ্টাৰনেশ্যনেল কমবেট গেইমছখন নতুন দিল্লীৰ টালকাটোৰা ষ্টেডিয়ামত যোৱা শুকুৰবাৰৰ পৰা দেওবাৰলৈ অনুষ্ঠিত হৈছিল।
