শনিবাৰে জিএমচিএইচৰ চৌহদত কৃষক নেতা অখিল গগৈয়ে একপ্ৰকাৰ বিস্ফোৰণ ঘটাই আৰক্ষীৰ নিযুক্তি কেলেংকাৰি সন্দৰ্ভত মুখ খোলে।
কৃষক নেতা গগৈয়ে কয় যে আৰক্ষীৰ উপ-পৰিদৰ্শকৰ পৰীক্ষাৰ প্ৰশ্ন কাকত ফাদিলৰ তদন্ত চিআইডিয়ে কৰিব নোৱাৰে।
তেওঁ এই তদন্তৰ দায়িত্ব চিবিআইক দিয়াৰ দাবী তোলে।
মধ্যপ্ৰদেশৰ ব্যাপম কেলেংকাৰিতকৈও আৰক্ষীৰ নিযুক্তি কেলেংকাৰিক ভয়াবহ বুলি আখ্যা দিয়ে অখিল গগৈয়ে।
অসমৰ মুখ্য মন্ত্ৰী সোণোৱালক অপদাৰ্থ মুখ্য মন্ত্ৰী বুলি আখ্যা দি অখিলে সোণোৱালক গৃহমন্ত্ৰী পদৰ পৰা পদত্যাগ কৰাৰো দাবী উত্থাপন কৰে।
আনহাতে, ৰাজনৈতিক দল সন্দৰ্ভতো মন্তব্য কৰে অখিল গগৈয়ে।
সকলোকে একত্ৰিত হৈ এটা দল খুলিবলৈ আহ্বান জনাই কৃষক নেতাগৰাকীয়ে ইয়াৰ অনথ্যা বিজেপি-আৰ এছ এছক প্ৰতিহত কৰিব নোৱাৰিব বুলি মন্তব্য কৰে।
তেওঁ এক দল, এক পতাকা, এক প্ৰতীকৰ তলত সকলোকে একত্ৰিত হ’বলৈ আহ্বান জনায়।
ইপিনে, কেন্দ্ৰীয় চৰকাৰে কৃষক বিৰোধী আইন সন্দৰ্ভতো মন্তব্য কৰি অখিলে কয় যে চৰকাৰে কৃষকসকলক কোম্পানীৰ ওচৰত বিক্ৰী কৰি দিব বিচাৰিছে। সেয়েহে, সকলোৱে ইয়াৰ বিৰুদ্ধে প্ৰতিবাদ কৰিব লাগে।
তদুপৰি, তেওঁ লকডাউনৰ ক্ষতিপূৰণো দাবী কৰি কয় যে লকডাউনৰ যদি ক্ষতিপূৰণ দিয়া নহয় তেতিয়াহ’লে অসমীয়া মানুহ নাবাচে।
