গুৱাহাটী ৰেইলৱে ষ্টেশ্যনত জব্দ বৃহৎ পৰিমাণৰ কোৰিয়ান চিগাৰেট। আজি পুৱা প্ৰায় ৮ বজাত ৰেইলৱে আৰক্ষীয়ে অভিযান চলাই ৩৩০ পেকেট কোৰিয়ান চিগাৰেট জব্দ কৰিবলৈ সক্ষম হয়।
তিনিটা বেগত লৈ আহিছিল চিগাৰেট খিনি। চিগাৰেটৰ লগতে মণিপুৰৰ দুজন সৰবৰাহকাৰীকো আৰক্ষীয়ে গ্ৰেপ্তাৰ কৰিবলৈ সক্ষম হয়।
ধৃত যুৱক দুজন ক্ৰমে অৰবিন্দ কুমাৰ (২৩) আৰু চি কাৰ্তিক(২৬) বুলি চিনাক্ত কৰা হৈছে। দুয়োজনৰে ঘৰ মণিপুৰৰ তিনৌপল জিলাত। দুয়োৱে ডিমাপুৰৰ পৰা বেংগলোৰলৈ বিক্ৰীৰ বাবে আনিছিল চিগাৰেটখিনি।
জব্দকৃত চিগাৰেটখিনিৰ বজাৰ মূল্য প্ৰায় আঢ়ৈ লাখ বুলি ৰেইলৱে আৰক্ষীয়ে জনায়। নামনিমুৱা যশৱণ্টপুৰ এক্সপ্ৰেছৰ পৰা জব্দ কৰে চিগাৰেটখিনি।
বৰ্তমান ৰেইলৱে আৰক্ষীয়ে আটকাধীন দুয়ো যুৱককে সোধ-পোচ অব্যাহত ৰাখিছে বুলি ৰেইলৱে আৰক্ষীৰ সূত্ৰৰ পৰা জানিব পৰা গৈছে।
