এক দেশ এক নিৰ্বাচন সন্দৰ্ভত ১৮,৬২৬ পৃষ্ঠাৰ প্ৰতিবেদন ৰাষ্ট্ৰপতি দ্ৰৌপদী মুৰ্মুক দাখিল কৰা হৈছে।
২৪’ৰ লোকসভা নিৰ্বাচনৰ পূৰ্বে সমগ্ৰ দেশতে CAA কাৰ্যকৰী কৰা হৈছে। এইবাৰ লোকসভা নির্বাচনৰ পূর্বে প্রাক্তন ৰাষ্ট্ৰপতি ৰামনাথ কোবিন্দ নেতৃত্বাধীন এক দেশ এক নির্বাচনৰ কমিটীয়ে এই বিষয়ত প্রতিবেদন দাখিল কৰিছে ৰাষ্ট্ৰপতি দ্ৰৌপদী মুৰ্মুক। ১৮,৬২৬ পৃষ্ঠাৰ প্ৰতিবেদন সমিতিখনে ৰাষ্ট্ৰপতি দ্ৰৌপদী মুৰ্মুক দাখিল কৰিছে।
উল্লেখ্য যে ৰামনাথ কোবিন্দৰ নেতৃত্বত গঠন হোৱা এই পেনেলে ১৯১ দিনত এই প্ৰতিবেদন প্ৰস্তুত কৰিছিল। এই পেনেলটো ২০২৩ চনৰ ২ ছেপ্টেম্বৰত গঠন কৰা হৈছিল।
লগতে পঢ়কঃ বিস্ময়! ৭০ বছৰ ধৰি লোহাৰ হাওঁফাওঁ লৈ জীৱন কটোৱা পল আলেকজেণ্ডাৰৰ মৃত্যু
সাংবিধানিক কাঠামোৰ অধীনত লোকসভা, ৰাজ্যিক বিধানসভা, পৌৰসভা আৰু পঞ্চায়তসমূহলৈ একেলগে নিৰ্বাচনৰ সম্ভাৱনাৰ প্ৰতি লক্ষ্য ৰাখি যোৱা ছেপ্টেম্বৰ মাহত গঠন কৰা সমিতিখনে ৰাষ্ট্ৰপতিৰ ওচৰত প্ৰতিবেদন দাখিল কৰিছে।
প্ৰাক্তন ৰাষ্ট্ৰপতি ৰামনাথ কোবিন্দ এই সমিতিৰ অধ্যক্ষ। ইয়াৰ উপৰিও গৃহমন্ত্ৰী অমিত শ্বাহ, ৰাজ্যসভাৰ প্ৰাক্তন বিৰোধী নেতা গুলাম নবী আজাদ, বিত্ত আয়োগৰ প্ৰাক্তন অধ্যক্ষ এন. সিং, লোকসভাৰ প্ৰাক্তন সাধাৰণ সচিব সুভাষ কাশ্যপ আৰু জ্যেষ্ঠ অধিবক্তা হৰিশ ছালভেও কমিটীত আছে। সমিতিৰ বিশেষ আমন্ত্ৰিত সদস্য হিচাপে আছে অৰ্জুন ৰাম মেঘৱাল।
লগতে পঢ়কঃ‘CAA কেতিয়াও ঘূৰাই লোৱা নহ’ব, বিজেপি চৰকাৰে কেতিয়াও ইয়াক লৈ আপোচ নকৰে’: অমিত শ্বাহ
লোকসভাৰ বিৰোধী দলৰ নেতা অধীৰ ৰঞ্জন চৌধুৰীকো কমিটীৰ সদস্য কৰা হৈছিল যদিও কমিটীৰ পৰা আঁতৰি আহিছিল। সূত্ৰ অনুসৰি এক দেশ এক নিৰ্বাচন যদি কাৰ্যকৰী হয়, তেন্তে লোকসভা আৰু ৰাজ্যৰ নিৰ্বাচন একেলগে অনুষ্ঠিত হ’ব।
এক দেশ, এক নিৰ্বাচনৰ আঁৰৰ যুক্তি হ’ল ভাৰতত প্ৰতি বছৰে ক’ৰবাত নহয় ক’ৰবাত নিৰ্বাচন অনুষ্ঠিত হয়। ইয়াৰ ভিতৰত আছে লোকসভাৰ পৰা পঞ্চায়ত সদস্য নিৰ্বাচনলৈকে। এই ক্ষেত্ৰত আদৰ্শ নিৰ্বাচনী আচৰণ বিধি বাৰে বাৰে বলবৎ কৰিবলগীয়া হয়। নিৰ্বাচন সম্পৰ্কীয় কামত সঘনাই নিয়োজিত হয় নিৰাপত্তা বাহিনী, আৰক্ষী আৰু অসামৰিক কৰ্মচাৰী। ইয়াৰ ফলস্বৰূপে দেশৰ উন্নয়নমূলক কাম-কাজ স্থৱিৰ হৈ পৰে।
লগতে পঢ়কঃশ্বেয়াৰ বজাৰত বৃহৎ পতন; আদানীৰ ৬৬ হাজাৰ কোটি, আম্বানীৰ ৩০ হাজাৰ কোটিৰ লোকচান!
দেশত একেলগে নিৰ্বাচন অনুষ্ঠিত কৰাৰ ৰোডমেপ প্ৰস্তুত কৰিবলৈ চৰকাৰে গঠন কৰা উচ্চ পৰ্যায়ৰ কমিটীয়ে বৃহস্পতিবাৰে ৰাষ্ট্ৰপতি দ্ৰৌপদী মুৰ্মুক প্ৰতিবেদন দাখিল কৰে।
