এজন মানুহে নাহৰফুটুকীৰ ছাল লৈ ঘূৰি ফুৰে। বিক্ৰীৰ বাবে দাম ১০ কোটি টকা। এই তথ্য বন বিভাগলৈ যোৱাৰ লগে লগে তেওঁলোকে মানুহজনক ধৰিবলৈ ফান্দ পাতিলে। এই ঘটনা ঝাৰখণ্ডৰ জামছেদপুৰৰ৷
বন বিভাগৰ তথ্য অনুসৰি সোণাৰি থানা এলেকাৰ পৰা এজন ব্যক্তি নাহৰফুটুকীৰ ছাল লৈ ঘূৰি ফুৰাৰ খবৰ পোৱা গৈছে। সেই খবৰটো পাই তেওঁলোকে এটা দল গঠন কৰি সেই ব্যক্তিজনক বিচাৰিবলৈ আৰম্ভ কৰিলে। বন বিভাগৰ বিষয়াসকলেও এক সূত্ৰৰ জৰিয়তে সৰবৰাহকাৰীৰ সৈতে যোগাযোগ কৰে। সৰবৰাহকাৰীৰ সৈতে ক্ৰেতাই যোগাযোগ কৰে। ১০ কোটি টকাত নাহৰফুটুকী ছাল ক্ৰয়ৰ বাবেও চুক্তি কৰা হয়।
বন বিভাগৰ সূত্ৰৰ পৰা জানিব পৰা মতে, সৰবৰাহকাৰী দলটোৰ তিনিজন লোক। কিন্তু যিজন ব্যক্তিৰ লগত তেওঁলোকৰ চুক্তি হৈছিল তেওঁ কয় যে নাহৰফুটুকীৰ ছালৰ বাবে ১০ কোটি টকা দিব লাগিব। বন বিভাগৰ বিষয়াসকলেও সেই ধন দিবলৈ সন্মত হয়। ইয়াৰ পাছত মানুহজনে ঠাই এটা ঠিক কৰি নাহৰফুটুকী ছালখন তালৈ আনিলে। ইতিমধ্যে বন বিভাগৰ সাজু হৈ উঠিছিল। নাহৰফুটুকীৰ ছালখন অনাৰ লগে লগে সৰবৰাহকাৰীজনক ধৰিলে।
জামছেদপুৰৰ ৰেঞ্জাৰ দিগ্বিজয় সিঙে জানিবলৈ দিয়া মতে, এটা দল গঠন কৰি গড়বা অঞ্চলত তালাচী চলোৱা হৈছে। সেই সময়ত এজন সৰবৰাহকাৰীক গ্ৰেপ্তাৰ কৰা হৈছিল। তেওঁক সোধা-পোছা কৰাৰ পাছত বন বিভাগক আৰু দুজন লোকৰ অৱস্থান জানিবলৈ দিয়ে। লগতে গ্ৰেপ্তাৰ কৰে। বন বিভাগে জানিবলৈ দিয়া মতে, এই সৰবৰাহৰ চক্ৰৰ শিপাৰ তদন্ত চলি আছে।
