বেনাৰ-পোষ্টাৰ ফলাৰ ৰাজনীতি! গণতান্ত্ৰিক ভাৱধাৰাক চূড়ান্তভাৱে কুঠাৰাঘাত

আগন্তুক বিধানসভা নিৰ্বাচনৰ দিন চমু চাপি অহাৰ লগে লগে ৰাজনৈতিক দল সমূহৰ কুচকাৱাজ  দ্ৰুত গতিত বৃদ্ধি পাবলৈ ধৰিছে।

১২৪ নং মাৰ্ঘেৰিটা বিধানসভা সমষ্টিটো  ইয়াৰ ব্যক্তিক্ৰম হোৱা নাই ৷

শেহতীয়াকৈ মাৰ্ঘেৰিটা বিধান সভা সমষ্টিত আৰম্ভ হৈছে বিভিন্ন ৰাজনৈতিক দলৰ বেনাৰ-পোষ্টাৰ ফলাৰ ৰাজনীতি ৷

একাংশ দুষ্কৃতিকাৰীয়ে সম্প্ৰতি ৰাজনৈতিক দলৰ বেনাৰ, হৰ্ডিংসমূহ এফালৰ পৰা ফালি যোৱাকলৈ একাংশ লোকৰ মাজত বিৰূপ প্ৰতিক্ৰিয়াৰ সৃষ্টি হৈছে।

গণতান্ত্ৰিক ভাৱধাৰাক চূড়ান্তভাৱে কুঠাৰাঘাত কৰি লিডু কলেজ পথ আৰু কলপৰা গাঁৱৰ পদপথত লগোৱা “অসম জাতীয় পৰিষদৰ”বেনাৰসমূহ কোনো দুষ্কৃতিকাৰীয়ে ফালি পেলোৱাত সমগ্ৰ অঞ্চলজুৰি প্ৰতিক্ৰিয়াৰ সৃষ্টি হৈছে ৷

এনে নিকৃষ্ট ৰাজনীতিক সহজভাৱে লব পৰা নাই সাধাৰণ ৰাইজে ৷