আজি গুৱাহাটীৰ জালুকবাৰীস্থিত চৰকাৰী আয়ুর্বেদিক মহাবিদ্যালয়ৰ ছাত্ৰ সন্থাৰ উদ্যোগত লোকবন্ধু ডাঃ ভুৱনেশ্বৰ বৰুৱা সোঁৱৰণী সদৌ অসম আন্তঃ মহাবিদ্যালয় তৰ্ক প্ৰতিযোগিতা অনুষ্ঠিত হয়। প্রতিযোগিতাখনত অসমৰ বিভিন্ন প্ৰান্তৰ মহাবিদ্যালয়ৰ দলে অংশগ্রহণ কৰে।
প্ৰতিযোগিতাৰ উদ্ধোধনী অনুষ্ঠানত উপস্থিত থাকে অসম বিধান সভাৰ প্ৰাক্তন অধ্যক্ষ তথা যোৰহাট সমষ্টিৰ বিধায়ক হিতেন্দ্ৰ নাথ গোস্বামী, উত্তৰ পূব হস্ততাঁত আৰু হস্তশিল্প উন্নয়ন নিগমৰ উপদেষ্টা সৃপৰ্না বৰুৱা, চৰকাৰী আয়ুর্বেদিক মহাবিদ্যালয়ৰ অধ্যক্ষ ডাঃ প্ৰণৱজ্যোতি বৈশ্য, উপাধ্যক্ষা ডাঃ য়ানবেনী হামচৈ, অধ্যাপক ডাঃ বিমল ডেকা আৰু সহকাৰী অধ্যাপক ডাঃ প্ৰদ্যুম্ন গোস্বামী প্ৰমুখ্যে প্ৰতিযোগীসকল, মহাবিদ্যালয়ৰ ছাত্ৰ- ছাত্রী তথা চিকিৎসকসকল।
হিতেন্দ্ৰ নাথ গোস্বামীৰ অধ্যক্ষতাত অনুষ্ঠিত হোৱা তৰ্ক প্ৰতিযোগিতাখনত বিচাৰক হিচাপে উপস্থিত থাকে জ্যেষ্ঠ অধ্যাপিকা বিদুলা শৰ্মা, জ্যেষ্ঠ সাংবাদিক মনীষ গোস্বামী আৰু লেখক তথা নিবন্ধকাৰ কিশোৰ কলিতা।
প্রতিযোগিতাৰ শ্ৰেষ্ঠ তাৰ্কিকৰ বঁটা লাভ কৰে জে বি মহাবিদ্যালয়, যোৰহাটৰ সুদীপ্ত শইকীয়াই, বঁটা স্বৰূপে আছিল এটা বঁটা, এখন মানপত্ৰ আৰু নগদ ৪০০০ টকা,দ্বিতীয় শ্ৰেষ্ঠ তাৰ্কিকৰ বঁটা লাভ কৰে দৰং মহাবিদ্যাল়য়, তেজপুৰৰ অনুপ্ৰেৰণা মহন্তই, বঁটা স্বৰূপে আছিল এটা বঁটা, এখন মানপত্ৰ আৰু নগদ ৩০০০ টকা, তৃতীয় শ্ৰেষ্ঠ তাৰ্কিকৰ বঁটা লাভ কৰে সন্দিকৈ ছোৱালী মহাবিদ্যালয়ৰ প্ৰিয়ংকা সাহাই, বঁটা স্বৰূপে আছিল এটা বঁটা, এখন মানপত্ৰ আৰু নগদ ২৫০০টকা।
প্ৰতিযোগিতা খনৰ শ্ৰেষ্ঠ দলৰ বঁটা লাভ কৰে গৌৰৱ কাশ্যপ আৰু য়াত্ৰিক শৰ্মাই প্ৰতিনিধিত্ব কৰা জে বি আইন মহাবিদ্যালয়ে, বঁটা স্বৰূপে আছিল ডাঃ ভুৱনেশ্বৰ বৰুৱা সোঁৱৰণী চলন্ত বঁটা,মানপত্ৰ আৰু নগদ ৬০০০টকা ,দ্বিতীয় শ্ৰেষ্ঠ দলৰ বঁটা লাভ কৰে মোজাহিদুল ইছলাম আৰু জনাঞ্জয় দেৱে প্ৰতিনিধিত্ব কৰা অসম ৰয়েল গ্লোবেল বিশ্ববিদ্যালয়ে,বঁটা স্বৰূপে আছিল ডাঃ জগদীশ চন্দ্ৰ ভট্টাচাৰ্য সোঁৱৰণী চলন্ত বঁটা,মানপত্ৰ আৰু নগদ ৫০০০ টকা আৰু তৃতীয় শ্ৰেষ্ঠ দলৰ বঁটা লাভ কৰে সুদীপ্ত শইকীয়া আৰু যোগান্তৰ মাধৱ শইকীয়াই প্ৰতিনিধিত্ব কৰা জে বি মহাবিদ্যালয়ে,বঁটা স্বৰূপে আছিল স্বৰ্গীয় ঋতুপৰ্ণা বৰপাত্ৰ গোহাঁই সোঁৱৰণী চলন্ত বঁটা,মানপত্ৰ আৰু নগদ ৪০০০ টকা। স্বৰ্গীয় ৰত্নময়ী ডেকা সোঁৱৰণী বঁটা লাভ কৰে দৰ্শনা পাটোৱাৰীয়ে।
চৰকাৰী আয়ুর্বেদিক মহাবিদ্যালয় ছাত্ৰ একতা সভাৰ সাধাৰণ সম্পাদক ডাঃ দীপজ্যোতি কলিতাই অসমৰ বিভিন্ন প্ৰান্তৰ মহাবিদ্যালয়ৰ ছাত্র-ছাত্রীসকল উপস্থিত থাকি প্রতিযোগিতাখন সফল কৰি তোলাৰ বাবে ধন্যবাদ জ্ঞাপন কৰে।
