‘মোক দুৰ্বল বুলি ভাবি ভুল কৰিছে’—শিৱসেনাক সকিয়াই মুম্বাই এৰিলে কংগনা ৰাণাৱটে

মুম্বাইক পাক অধিকৃত কাশ্মীৰৰ সৈতে ৰিজাই শিৱসেনাৰ ৰোষত পৰা বলিউডৰ অভিনেত্ৰী কংগনা ৰাণাৱটে আজি মুম্বাই ত্যাগ কৰি স্ব-গৃহ হিমাচল প্ৰদেশ অভিমুখে যাত্ৰা কৰে।

With a heavy heart leaving Mumbai, the way I was terrorised all these days constant attacks and abuses hurled at me attempts to break my house after my work place, alert security with lethal weapons around me, must say my analogy about POK was bang on. https://t.co/VXYUNM1UDF

— Kangana Ranaut (@KanganaTeam) September 14, 2020

মুম্বাই  এৰাৰ পূৰ্বে কংগনাই শিৱসেনাক সকিয়াই দি কৈ যায় যে তেওঁ এখন গধুৰ হৃদয় লৈ মুম্বাই  এৰি যাবলৈ ওলাইছে।

তেওঁক দুৰ্বল ভাবি বহুতে ভুল কৰা বুলিও কংগনাই কয়।

পুৱাই কৰা টুইটত কংগনাই কৈছে যে ৰক্ষকেই এতিয়া ভক্ষক হ’বলৈ ওলাইছে। গণতন্ত্ৰক ঘঁৰিয়ালে টেটু চেপি ধৰিছে।উল্লেখ্য শিৱসেনাৰ ভাবুকিকো উপেক্ষা কৰি কেইদিনমান পূৰ্বে মুম্বাইত উপস্থিত হৈছিল কংগনা ৰাণাৱটে ।

মুম্বাইৰ ছত্ৰপতি শিৱাজী আন্তঃৰাষ্ট্ৰীয় বিমান বন্দৰত উপস্থিত হোৱাৰ পিছতেই কংগনা সন্মুখীন হৰ্বলগীয়া হৈছিল শিৱ সেনাৰ সমৰ্থকৰ প্ৰতিবাদৰ ।

মহাৰাষ্ট্ৰ চৰকাৰে শেহতীয়াকৈ শিৱসেনাৰ সৈতে সংঘাতত লিপ্ত হোৱা কংগনাৰ মণিকৰ্নিকা ষ্টুডিঅ’ ভাঙি পেলোৱাৰ বাবে বুলডজাৰেৰে অভিযান আৰম্ভ কৰিছিল যদিও বোম্বে উচ্চ ন্যায়ালয়ে কংগনা ৰাণাৱটৰ ষ্টুডিঅ’টো ভঙাৰ ক্ষেত্ৰত স্থগিতাদেশ জাৰি কৰাৰ পিছতে থমকি ৰ’ৱলগীয়া হয় মহাৰাষ্ট্ৰৰ চৰকাৰ।

মহাৰাষ্ট্ৰ চৰকাৰৰ পদক্ষেপক সমালোচনা কৰি  কংগনাই কৈছে যে বাবৰে ৰাম মন্দিৰ ভঙাৰ দৰেই মহাৰাষ্ট্ৰৰ চৰকাৰেও তেওঁৰ মন্দিৰ সদৃশ মণিকৰ্নিকা ষ্টুডিঅ’ ভাঙিবলৈ আহিছিল।

উল্লেখ্য মুম্বাইক পাক অধিকৃত কাশ্মীৰৰ সৈতে তুলনা কৰাৰ পিছতে কংগনাৰ বিৰুদ্ধে সৰৱ হৈ পৰিছে শিৱসেনা।

শিৱসেনাই আনকি অভিনেত্ৰী গৰাকীক মুম্বাইত প্ৰৱেশৰ ক্ষেত্ৰতো নিষেধাজ্ঞা আৰোপ কৰিছিল।

কেৱল সেয়াই নহয়,কংগনাৰ বান্দ্ৰাত থকা ঘৰ আৰু ষ্টুডিঅ’ অবৈধ ভাবে নিৰ্মাণ কৰা বুলি সেয়া ভাঙি পেলাবলৈ পদক্ষেপ গ্ৰহণ কৰা হৈছিল ।

লকডাউনৰ পৰাই মানালীত থকা পৰিয়ালৰ সৈতে দিন কটোৱা কংগনাই মুম্বাইলৈ আহিছিল তেওঁৰ সপোনৰ ষ্টুডিঅ’টো ধ্বংসৰ পৰা ৰক্ষা কৰিবলৈ।