কাইলৈ শিৱসাগৰলৈ আহিব কংগ্ৰেছৰ নেতা ৰাহুল গান্ধী

ৰাজ্যত নিৰ্বাচনৰ দিন চমু চাপি অহাৰ সময়তে বিভিন্ন ৰাষ্ট্ৰীয় দলৰ নেতাৰ অসম আগমণৰ ধুম উঠিছে।প্ৰধানমন্ত্ৰী নৰেন্দ্ৰ মোদী, কেন্দ্ৰীয় গৃহ মন্ত্ৰী অমিত শ্বাহে অসম ভ্ৰমণ কৰি যোৱাৰ পিছত   কাইলৈ অৰ্থাৎ ১৪ ফেব্ৰুৱাৰীত  অসমলৈ আহিব কংগ্ৰেছৰ যুৱনেতা ৰাহুল গান্ধী।

ৰাহুলৰ  অসম আগমণক লৈ ব্যাপক উচাহ দেখিবলৈ পোৱা গৈছে কংগ্ৰেছ কৰ্মী সকলৰ মাজত।

অসম বচাও আহক কাৰ্যসূচীত অংশগ্ৰহণ কৰিবলৈ দেওবাৰে শিৱসাগৰৰ ঐতিহাসিক বৰ্ডিং খেলপথাৰলৈ আহিব ৰাহুল গান্ধী।

ৰাহল গান্ধীক আদৰিবলৈ অসম প্ৰদেশ কংগ্ৰেছে ব্যাপক প্ৰস্তুতি চলাইছে বৰ্ডিং খেলপথাৰত।

দলীয় সাজ সজ্জাৰে সজাই পৰাই তোলা হৈছে মঞ্চ- মণ্ডপ।

আজি বৰ্ডিং খেলপথাৰ পৰিদৰ্শন কৰে নিখিল ভাৰত কংগ্ৰেছ কমিটিৰ সম্পাদক জিতেন্দ্ৰ সিং, অসম প্ৰদেশ কংগ্ৰেছ কমিটিৰ সভাপতি ৰিপুন বৰা, বিৰোধী দলৰ দলপতি দেৱব্ৰত শইকীয়া, প্ৰাক্তন বিধায়ক সুশান্ত বৰগোঁহাই, প্ৰদেশ কংগ্ৰেছৰ সম্পাদক অংকুৰৰাজ গগৈ, অজয় ফুকনকে ধৰি বহু কংগ্ৰেছী নেতাই।