বোকাখাতত বন বিভাগৰ অভিযান: চোৰাং কাঠসহ দুখন পিক আপ ভান জব্দ

এক গোপন তথ্যৰ আধাৰত পূৱ অসম বন্যপ্ৰাণী সংমণ্ডলৰ বোকাখাত ৰেঞ্জৰ অভিযানকাৰী দলে শুকুৰবাৰে বিয়লি বোকাখাত নগৰৰ সমীপতে চোৰাং কাঠ ভৰ্তি দুখন মহিন্দ্ৰ পিক আপ ভান  জব্দ কৰে।

জানিব পৰা মতে গোপন সুত্ৰৰ পম খেদি  অভিযানকাৰী দলে বোকাখাতৰ লতাবাৰীত ৩৭ নং ৰাষ্ট্ৰীয় পথত অভিযান চলোৱাৰ উমান পাই চোৰাং কাঠ অনা এখন গাড়ী লতাবাৰীৰ তেল ডিপোৰ চৌহদত প্ৰৱেশ কৰে৷

অভিযানকাৰী দলে তেল ডিপোতেই কাঠসহ গাড়ীখন জব্দ কৰে ৷

গাড়ীৰ চালকৰ স্বীকাৰোক্তিৰ ভিত্তিত অভিযানকাৰী দলে দ্বিতীয়খন গাড়ীও কাঠসহ জব্দ কৰে ৷

চোৰাংকাঠ সহ জব্দ কৰা এ এছ ০৫ চি : ৯৭৭৭ আৰু এছ০৫চি: ৬৬৩৯ নম্বৰৰ গাড়ী দুয়োখন কাঠসহ সম্প্ৰতি পূৱ অসম বন্যপ্ৰাণী সংমণ্ডলৰ কাৰ্যালয়ত ৰখা হৈছে আৰু গোচৰো পঞ্জীয়ন কৰা হৈছে বুলি বন বিভাগৰ সুত্ৰই প্ৰকাশ কৰিছে ৷