আজিৰ পৰা টীয়কত আৰম্ভ কৰা হৈছে ১৮+ ভেকচিন প্ৰদান

ক’ভিডৰ ভয়াবহতা ৰোধৰ বাবে চৰকাৰে যোৱা ১ মে’ৰ পৰা ১৮ৰ পৰা ৪৪ বছৰৰ ভিতৰত ব্যক্তিসকলক ক’ভিড ভেকচিন প্ৰদানৰ ব্যৱস্থা কৰিছিল।

দুটাকৈ এপৰ যোগেদি নিজৰ মোবাইলৰ পৰা অনলাইনযোগে নিজৰ লগতে পৰিয়ালৰ নাম পঞ্জীভূক্ত কৰাৰ ব্যৱস্থা কৰিছিল।

আজিৰ পৰা সেই পঞ্জীয়ন অনুসৰি টীয়কৰ কাকজান মহাবিদ্যালয় আৰু টীয়ক চন্দ্ৰ কমল বেজবৰুৱা মহাবিদ্যালয়ত ভেকচিন প্ৰদানৰ ব্যৱস্থা কৰিছে স্বাস্থ্য বিভাগে।

সেই অনুসাৰে প্ৰায় সংখ্যক ব্যক্তিয়ে ইতিমধ্যে পঞ্জীয়ন কৰিছে যদিও পঞ্জীয়নৰ পাছত Slot অৰ্থাৎ ভেকচিন কেন্দ্ৰ নিজে নিৰ্বাচন কৰিব পৰা নাই ব্যক্তিসকলে।

জানিব পৰা মতে, প্ৰতিদিনে প্ৰতিটো কেন্দ্ৰত ১৫০ জনক ভেকচিন প্ৰদান কৰিব আৰু এই ব্যৱস্থা অহৰহ চলি থাকিব।

সেয়ে সকলোৱে নিজৰ ভেকচিন কেন্দ্ৰ নিৰ্বাচন কৰি সময়মতে কেন্দ্ৰত উপস্থিত হৈ সুচাৰুৰূপে ভেকচিন গ্ৰহণ কৰিবলৈ আহ্বান জনাইছে কৰ্তৃপক্ষই।