চাৰিদিনীয়াকৈ ষঠ পূজা, সমগ্ৰ ৰাজ্যৰ লগতে নামনি অসমতো উৎসাহ-উদ্দীপনাৰে পূজা উদযাপন
আজি ষঠ পূজা। সমগ্ৰ ৰাজ্যৰ লগতে নামনি অসমতো উৎসাহ-উদ্দীপনাৰে উদযাপন কৰা হৈছে ষঠ পূজা।
দেশৰ আন আন অঞ্চলৰ লগতে নামনি অসমৰ ধুবুৰী জিলাৰ অন্তৰ্গত চাপৰ চহৰৰ মৰা চম্পাৱতী নৈৰ সূতিত আন আন বছৰৰ দৰে এই এইবাৰো সূৰ্য্য উপাসনাৰ ব্ৰত “ষঠ পূজা” পালন কৰা হৈছে। আজি সন্ধিয়া নৈৰ ঘাটত ব্ৰত কৰা সকলে অস্তগামী সূৰ্য্যক পূজা অৰ্চনা কৰি অৰ্ঘ প্ৰদান কৰিব।
কাইলৈ অৰ্থাৎ বৃহস্পতি বাৰে পুৱতি নিশা নৈৰ ঘাটৰ পূজাস্থলীত (পানীত নামি) উদিত সূৰ্য্যক আৰাধনা তথা পূজা অৰ্চনা কৰিব।
এই পূজা চাৰি দিনীয়া কাৰ্যসূচীৰে পালন কৰা হয়। প্ৰথম দিনা নাহায় খায়, দ্বিতীয় দিনা খৰ্ণা পূজা , তৃতীয় আৰু চতুৰ্থ দিনা নৈৰ ঘাটত সূৰ্য্যক আৰাধনা কৰি কঠিন ব্ৰত পালন কৰা কৰা হয়।
এই ব্ৰত কৰা সকলে পূজাৰ প্ৰথম দিনাৰ লাও ভাত খোৱা পৰ্বৰ পিছৰে পৰা খর্ণা পূজাকে ধৰি একেবাৰে অন্তিম দিনা পুৱা সূৰ্য্য উদয় লৈকে প্ৰায় ৫৭( সাতাৱন্ন) ঘণ্টা নিৰ্জলা উপবাস কৰে।
আজি বুধবাৰে দিনৰ ১১ বজাত চাপৰৰ ব্ৰত ধাৰী সকলে পূজা অৰ্চনা কৰা পূজাস্থল মৰা চম্পাৱতী নৈৰ ঘাট পৰিদৰ্শন কৰি বিলাসীপাৰাৰ মহাকুমাধিপতি জয় শিবাণী আৰু চাপৰৰ চক্ৰ বিষয়া শান্তনু গগৈ যে পূজাৰ কাম কাজ তথা সুবিধা- অসুবিধা সম্পৰ্কে বুজ লৈ উপস্থিত ৰাইজৰ লগত মত বিনিময় কৰে ।
চাপৰ ষঠ কমিটিৰ ফালৰ পৰা বিষযা দুজনক ফুলাম গামোচাৰে সম্বৰ্ধনা জনাই ধন্যবাদ জ্ঞাপন কৰা হয়।
সূৰ্য্য উপাসনা তথা ষঠ পূজাৰ বাবে ব্ৰত ধাৰী সকলৰ লগতে সমূহ ৰাইজক অসম মাৰ্কেটিং বোৰ্ডৰ নৱনিযুক্ত সভাপতি তথা প্ৰাক্তন বিধায়ক অশোক কুমাৰ সিংহি , ADC নৱজ্যোতি পাঠক (বৰপেটা) ,মহকুমাধিপতি জয় শিৱানী , চক্ৰ বিষযা শান্তনু গগৈ, সাহিত্য সভাৰ কেন্দ্ৰীয় পত্ৰিকা সম্পাদক উপেন্দ্ৰজিৎ শৰ্মা , চাপৰ প্ৰেছ ক্লাবৰ সমূহ সদস্য তথা সম্পাদক ছাজিদ হুছেইন , কবি ধীমান দাস , ডাঃ এছ কুমাৰ , নিলাক্ষী কোৱৰ ( ঢালিগাওঁ) মিছ ইণ্ডিয়া কুইন দীপশিখা বোস (কোকৰাঝাৰ), বিশিষ্ট সমাজ কৰ্মী বিজয় কুমাৰ শৰ্মা(ধুবুৰী) অনিল কুমাৰ প্ৰসাদ (বঙাইগাঁও) বিশিষ্ট লেখক তিলক চন্দ্ৰ ৰায় , গংগাধৰ ৰায় ,সাংবাদিক প্ৰণয় ৰায় (বহলপুৰ ), ৰবি চৌধুৰী , ৰৌশন চৌধুৰী, জোৱালা মাল্লা, ভানু দাস , নন্দলাল মাল্লা , ডাঃ বি ছৌচাৰীয়া , ৰূপজ্যোতি পাঠক , আশাৰ কেন্দ্ৰীয় উপসভাপতি ৰেজান হোৰো আদিয়ে শুভ কামনা জ্ঞাপন কৰি শান্তি সম্প্ৰীতিৰে সকলোৰে মাজত ভাতৃত্বৰৰ এনাজৰী ডাল আৰু বেছি কটকটীয়া হব বুলি কামনা কৰিছে ।
চাপৰৰ লগতে বহলপুৰ, শালকোচা আৰু চিৰাকুটা ঠাইলৈয়ো গৈ এই পূজা সম্পৰ্কে এছ ডি অ চিভিল জয় শিবানী , চক্ৰ বিষয়া শান্তনু গগৈ , ভাৰপ্ৰাপ্ত আৰক্ষী বিষয়া প্ৰণৱ দলে, আই চি বিপুল দাসে প্ৰস্তুতিৰ বুজ লয়।
You may also like
৬৬৬লৈ বৃদ্ধি অসমত ক’ভিড-১৯ আক্ৰান্ত, মঙলবাৰে চিনাক্ত ১১৮
অসমত অপ্ৰতিৰোধ্য গতিত বৃদ্ধি পাইছে ক’ভিড-১৯ আক্ৰান্ত। ৬৬৬লৈ বৃদ্ধি আক্ৰান্ত ৰোগীৰ সংখ্যা; দিনটোতে চিনাক্ত হৈছে ১১৮ গৰাকী। এই মুহূৰ্তত কামৰূপ মেট্ৰৰ ২১…
শিৱসাগৰত টাইপাৰ দুটা ফৈদৰ মাজত প্ৰচণ্ড মাৰপিট
শিৱসাগৰৰ ঐতিহাসিক শিৱদ’লৰ সন্মুখত টাইপাৰ দুটা ফৈদৰ প্ৰচণ্ড মাৰপিটৰ ঘটনা সংঘটিত হয়। টাইপাৰ কেন্দ্ৰীয় সমিতিৰ সভাপতি বিজয় ৰাজকোঁৱৰে আজি শিৱদ’লৰ সন্মুখত এককভাৱে…
দেশত কৰ’নাভাইৰাছ আক্ৰান্তৰ সংখ্যা ৩২৪লৈ বৃদ্ধি; সৰ্বাধিক মহাৰাষ্ট্ৰত, উত্তৰ-পূবত শূন্য
স্বাস্থ্য মন্ত্ৰ্যালয়ৰ তথ্য মতে ভাৰতত দেওবাৰলৈকে ৩২৪ গৰাকী কৰ’নাভাইৰাছ আক্ৰান্ত চিনাক্ত হৈছে। আক্ৰান্তসকলৰ ভিতৰত ৪১ গৰাকী বিদেশী নাগৰিক। কৰ’নাভাইৰাছত আক্ৰান্ত হৈ দেওবাৰ…
গুৱাহাটীলৈ ৰাহুল গান্ধী, জনসভাত বিৰোধী মহাজোঁটৰ হাই প্ৰ’ফাইল নেতা আগমণৰ সম্ভাৱনা
প্ৰধান মন্ত্ৰী নৰেন্দ্ৰ মোদী আৰু বিজেপিৰ ৰাষ্ট্ৰীয় সভাপতি অমিত শ্বাহৰ আগমণৰ পিছতে এইবাৰ জনসভা সম্বোধন কৰিবলৈ ২৬ ফেব্ৰুৱাৰিত গুৱাহাটীলৈ আহিব কংগ্ৰেছ অধ্যক্ষ…