কথা পাহৰা ৰোগত আক্ৰান্ত হৈছে নেকি মাৰ্কিন ৰাষ্ট্ৰপতি বিদেন! চলাই নিব পাৰিবনে আমেৰিকাক?

একেৰাহে দুবাৰকৈ কোভিডত আক্ৰান্ত হোৱাৰ বাবেই হওঁক বা বয়সৰ বাবেই হওঁক, মাৰ্কিন ৰাষ্ট্ৰপতি জো বিদেনে আজিকালি সঘনাই কথা পাহৰিবলৈ লৈছে। এই কথাই তেওঁৰ ৰাজনৈতিক ভৱিষ্যতলৈও নানান প্ৰশ্নৰ উদ্ৰেক ঘটাইছে। বিদেনৰ কথা পাহৰাৰ বিষয়টো শেহতীয়াকৈ পুনৰ চৰ্চালৈ আহিছে।সৌসিদিনা ৰাজহুৱা স্থানতে মাত্ৰ কেইটামান ছেকেণ্ডৰ ব্যৱধানত বিদেনে কথা পাহৰিলে।

ডেমক্ৰেট দলৰ চিনেটৰ চাক শ্বুমাৰে বিদেনক ইতিমধ্যে কৰমৰ্দনৰ কৰাৰ পিছতো বিদেনে সেই কথা লগে লগে পাহৰি গ’ল আৰু শ্বুমাৰে তেওঁক কৰমৰ্দন কৰিব বুলি ৰৈ থাকিল।কিন্তু শ্বুমাৰে বিদেনক পুনৰ কৰমৰ্দন নকৰাত বিদেন বিব্ত হৈ পৰে।সেইদিনা শ্বুমাৰে বিদেনকেই প্ৰথমে কৰমৰ্দন কৰিছিল যদিও তৎমুহূৰ্ততে সেই কথা পাহৰি যায় বিদেনে।

🤔 pic.twitter.com/MGPp9QFRkn

— RNC Research (@RNCResearch) August 9, 2022

সেয়ে শ্বুমাৰৰ কৰমৰ্দনৰ অপেক্ষাত তেওঁ ৰৈ থাকে। কিন্তু শ্বুমাৰে কৰমৰ্দন নকৰাত এক প্ৰকাৰ অপ্ৰস্তুত হৈ পৰে বিদেন। তেওঁ শ্বুমাৰেকিয় কৰমৰ্দন নকৰিলে সেয়া ভাবিয়েইই হয়তো থুতৰি খজুৱা পৰিলক্ষিত হয়। বিদেনৰ এই অৱস্থাৰ ভিডিঅ’ ইতিমধ্যে ভাইৰেল হৈ পৰিছে।

 ভাইৰেল হোৱা ভিডিঅ’টোত বিদেনৰ লগতে আমেৰিকা যুক্তৰাষ্ট্ৰৰ সদনৰ অধ্যক্ষ নেন্সি পেলোচি, বাণিজ্য সচিব জিনা ৰাইমণ্ডো আৰু স্পাৰ্কচাৰ্জৰ প্ৰতিষ্ঠাপক যিহোচুৱা আভিভো আছিল। ডেমক্ৰেট চিনেটৰ চাক শ্বুমাৰ চিপচ এণ্ড চাইন্স এক্ট ২০২২-ৰ স্বাক্ষৰ অনুষ্ঠানত ভাষণ দিয়াৰ সময়তে ঘটে এই ঘটনাটো।

৭৯ বছৰীয়া বিদেনে এতিয়া যে বহু কথাই লগে লগে পাহৰি যায় সেয়াই এই ঘটনাই প্ৰমাণ কৰা বুলি বহুতে মন্তব্য কৰিছে।সেয়ে বহুতে প্ৰশ্ন কৰিছে পাহৰণিৰ ৰোগে লগ দিয়া বিদেনে আমেৰিকাক আগুৱাই নিব পাৰিবনে ?