বিয়াৰ প্ৰতিশ্ৰুতি দি অভিনেত্ৰীক ধৰ্ষণ কৰিলে পাইলটে, তাৰপিছত?

দেশত এতিয়া ক্ৰমাৎ ধৰ্ষণৰ ঘটনা বৃদ্ধি পাবলৈ লৈছে।

শেহতীয়াকৈ মুম্বাইত এগৰাকী টেলিভিছনৰ অভিনেত্ৰী ধৰ্ষণৰ বলি হোৱাৰ ঘটনাই তীব্ৰ চাঞ্চল্যৰ সৃষ্টি কৰিছে।

মুম্বাইৰ ওছিয়াৰা নিবাসী অভিনেত্ৰীগৰাকীৰ সৈতে এটা মেট্ৰিম’নিয়েল ছাইটৰ জৰিয়তে কিছুদিন পূৰ্বে চিনাকী হৈছিল এজন পাইলটৰ।

আৰক্ষীয়ে নিৰাপত্তাৰ স্বাৰ্থত নাম গোপনে ৰখা অভিনেত্ৰীগৰাকীৰ সৈতে পাইলট জনে ফোনত কথা পাতিবলৈ আৰম্ভ কৰিছিল আৰু এনেদৰে তেওঁলোকৰ মাজত বন্ধুত্বও গঢ় লৈ উঠিছিল।

ইয়াৰ পিছতে এদিন পাইলটজনে অভিনেত্ৰীগৰাকীৰ ঘৰলৈ আহিবলৈ বিচাৰে আৰু অভিনেত্ৰীগৰাকীয়ে পাইলট জনৰ ইচ্ছাত সন্মতিও জনায়।

পাইলটজনে অভিনেত্ৰীৰ ঘৰলৈ গৈ বিয়াৰ প্ৰস্তাৱ আগবঢ়ায় আৰু অভিনেত্ৰীৰ সৈতে শাৰীৰিক সম্পৰ্ক গঢ়ি তোলে।

এই ঘটনাৰ পিছৰে পৰা পাইলটজনে অভিনেত্ৰীৰ সৈতে সম্পৰ্ক বন্ধ কৰি দিয়ে।

অভিনেত্ৰীয়ে ফোন কৰিলেও পাইলটে সঁহাৰি নজনোৱা হ’ল।

এদিন অভিনেত্ৰীয়ে পাইলটক লগ ধৰি বিয়াৰ কথা উলিওৱাত পাইলটে বিয়া পাতিব নোৱাৰো বুলি স্পষ্ট কৰি দিলে।

ইয়াৰ পিছতে যোৱা নিশা ওছিয়াৰা থানাত উপস্থিত হৈ অভিনেত্ৰীয়ে পাইলটৰ বিৰুদ্ধে ধৰ্ষণৰ অভিযোগ দাখিল কৰে।

আৰক্ষীয়ে ঘটনা সন্দৰ্ভত তদন্ত আৰম্ভ কৰি অভিযুক্ত পাইলট জনক আটক কৰাৰ চেষ্টা অব্যাহত ৰাখিছে।

কিন্তু  এতিয়াও পাইলতক বিচাৰি পোৱা নাই আৰক্ষীয়ে।