অগপ নেত্ৰী উপাসনা গগৈৰ দেহাৱসান, মুখ্য মন্ত্ৰীৰ শোক প্ৰকাশ

গোলাঘাট জিলাৰ খুমটাই সমষ্টিৰ প্ৰাক্তন বিধায়ক প্ৰয়াত মন্ত্ৰী প্ৰবীন গগৈৰ পত্নী তথা অগপৰ মহিলা পৰিষদৰ উপ সভানেত্ৰী উপাসনা গগৈৰ আজি দেহাৱসান ঘটে।

আজি পুৱতি নিশা প্ৰায় ১.৫০ বজাত হৃদযন্ত্ৰ বিকল হৈ তেওঁৰ গোলাঘাটৰ চহিদ কুশল কোঁৱৰ অসামৰিক চিকিৎসালয়ত মৃত্যু হয়।

উল্লেখযোগ্য যে অগপৰ মহিলা পৰিষদৰ উপ সভানেত্ৰীৰ উপৰি দলটোৰ ৰাজ্যিক কাৰ্য্যনিৰ্বাহক সদস্যা উপাসনা গগৈ বিভিন্ন সামাজিক কাম কাজৰ সৈতে জড়িত আছিল।

গগৈৰ মৃত্যুত মুখ্য মন্ত্ৰী সৰ্বানন্দ সোণোৱালে গভীৰ শোক প্ৰকাশ কৰিছে। তেওঁৰ শোকসন্তপ্ত পৰিয়ালবৰ্গলৈ সমবেদনা জ্ঞাপন কৰি প্ৰেৰণ কৰা এক শোকবাৰ্তাত মুখ্য মন্ত্ৰীজনে কয় যে জীৱনকালত একান্ত নিষ্ঠা আৰু ঐকান্তিকতাৰে প্ৰয়াত উপাসনা গগৈয়ে বিভিন্ন অনুষ্ঠান-প্ৰতিষ্ঠানৰ সৈতে সক্ৰিয়ভাৱে জড়িত থাকি আমাৰ সমাজ জীৱনলৈ যথেষ্ট অৰিহনা আগবঢ়াই গৈছে।

তেওঁ লগতে কয় যে প্ৰয়াত উপাসনা গগৈয়ে অসম গণ পৰিষদ দলৰ এগৰাকী কেন্দ্ৰীয় কাৰ্য নিৰ্বাহক সদস্য হিচাপে দলৰ সাংগঠনিক দিশটো যথেষ্ট অৰিহণা আগবঢ়াই গৈছে।