World’s Richest Person: ২০,০০০,৭০০ কোটি ডলাৰৰ সম্পত্তি! ইলন মাস্কক পিছ পেলাই তেওঁ বিশ্বৰ আটাইতকৈ ধনী ব্যক্তি

ইলন মাস্ক পদচ্যুত হৈছে। বিশ্বৰ আটাইতকৈ ধনী মানুহজন এতিয়া টেছলাৰ মালিক মাস্ক নহয়। তেওঁক পৰাজিত কৰি ফৰাচী টাইকুন বাৰ্নাৰ্ড আৰ্নল্ট বিশ্বৰ আটাইতকৈ ধনী ব্যক্তি হিচাপে পৰিগণিত হৈছে।

ফোৰ্বছৰ বিলিয়নেয়াৰৰ তালিকাত আৰ্নল্টৰ নাম প্ৰথম স্থানত আছে। তেওঁ আন কোনো নহয়, বিশ্বৰ কেইবাটাও বিলাসী ব্ৰেণ্ড যেনে ডিঅ’ৰ, টিফিনি এণ্ড কোম্পানী, মাৰ্ক জেকব, ফেণ্ডি আদিৰ মালিক।

ফোৰ্বছৰ তালিকা অনুসৰি শুকুৰবাৰে আৰ্নল্টৰ সম্পত্তি ২০৭.৮ বিলিয়ন বা ২০ হাজাৰ ৭ কোটি ডলাৰলৈ বৃদ্ধি পাইছে। দ্বিতীয় স্থানত থকা ইলন মাস্কৰ বৰ্তমান সম্পত্তিৰ পৰিমাণ ২০,৪০০ কোটি ডলাৰ।

লগতে পঢ়কঃ পদত্যাগ কৰিলে নীতিশ কুমাৰে; শীতৰ ঠাণ্ডাতো ‘ৰাজনৈতিক ব্যস্ততা’ত গৰম হৈ উঠিছে পাটনা

শুকুৰবাৰে এলভিএমএইচৰ শ্বেয়াৰ ১৩ শতাংশ বৃদ্ধি পোৱাৰ বিপৰীতে টেছলাৰ শ্বেয়াৰ ১৩ শতাংশ হ্ৰাস পাইছে। এদিনতে আৰ্নল্ডৰ সম্পত্তি ২৩.৬ বিলিয়ন ডলাৰ বৃদ্ধি পালে। আনহাতে, মাস্কে ১৮ বিলিয়ন বা ১৮০ কোটি ডলাৰ হেৰুৱাইছে। তাতেই আৰ্নল্ডে ইলন মাস্কক পিছ পেলাই থৈ গ’ল।

বৰ্তমান এলভিএমএইচৰ বজাৰ মূল্য ৩৮৮.৮ বিলিয়ন ডলাৰ। টেছলাৰ বজাৰ মূল্য ৫৮৬.১৪ বিলিয়ন ডলাৰ।

উল্লেখ্য যে এলভিএমএইচৰ চিইঅ’ আৰ্নল্টে যোৱা চাৰিটা দশকত বিলাসী ব্ৰেণ্ডৰ সাম্ৰাজ্য গঢ়ি তুলিছে। তেওঁৰ কোম্পানীত আছে লুই ভিটন, টেগ, ডম পেৰিগনন, ফেণ্ডি, ডিঅ’ৰ, টিফিন এণ্ড কোম্পানী, মাৰ্ক জেকবছ, ফেণ্ডি, চেলিনৰ দৰে বিলাসী ব্ৰেণ্ড।

লগতে পঢ়কঃ হোটেলত বন্দী, খাদ্য বন্ধ কৰি দি শাস্তি আই পি এল তাৰকাক! দিল্লীৰ কাণ্ডক লৈ তোলপাৰ ক্ৰিকেটমহল

যোৱা এপ্ৰিল মাহতেই এল ভি এম এইচ ইউৰোপৰ প্ৰথমটো কোম্পানী হিচাপে পৰিগণিত হৈছিল যাৰ বজাৰ মূল্য ৫০০ বিলিয়ন ডলাৰ অতিক্ৰম কৰিছিল।