বিজেপিত মোক্ষম আঘাত! ৪০০ গাড়ীৰ কনভয় লৈ ছাইৰেন বজাই কংগ্ৰেছলৈ উভতিল বৈজনাথ

মধ্যপ্ৰদেশত ভোটদানৰ পূৰ্বে কংগ্ৰেছে পুনৰ বিজেপিত আঘাত হানিছে। এইবাৰ চিধাচিধি সিন্ধে শিৱিৰত মোক্ষম আঘাত। ২০২১ চনত জ্যোতিৰাদত্য সিন্ধেৰ সৈতে বিজেপিত যোগদান কৰা শিবপুৰীৰ নেতা বৈজনাথ সিঙে কংগ্ৰেছলৈ উভতি আহিছে। ‘ঘৰলৈ ওভোতা’ অনুষ্ঠানত অংশগ্ৰহণ কৰিবলৈ বৈজনাথে ৪০০ বাহনৰ কনভয় লৈ ছাইৰেন বজাই আহিছিল।

শিৱপুৰীৰ পৰা ভূপাললৈকে বৈজনাথ সিঙে ৩০০ কিলোমিটাৰ পথ উজাই আহি  কংগ্ৰেছত যোগদান কৰে। ২০২১ চনত জ্যোতিৰাদত্যই কংগ্ৰেছ এৰি থৈ বিজেপিলৈ যায়। বৈজনাথও তেওঁৰ লগত দল সলনি কৰে। তাৰ পিছতে ৰাজ্যখনত কমলনাথ চৰকাৰৰ পতন ঘটে। বিজেপিৰ শিৱৰাজ সিং চৌহান পুনৰ ক্ষমতালৈ আহে। সিন্ধেক কেন্দ্ৰীয় অসামৰিক বিমান পৰিবহণ মন্ত্ৰী হিচাপে নিযুক্তি দিয়া হয়। কিন্তু হাত খালী হৈ পৰিছিল বৈজনাথৰ।

লগতে পঢ়ক: আমেৰিকাত গৈ ট্ৰাকত উঠিল ৰাহুল গান্ধী, আমেৰিকাৰ ট্ৰাক চালকৰ উপাৰ্জন শুনি চকু কপালত উঠিল ৰাহুলৰ

সূত্ৰসমূহৰ মতে, এই বছৰ আগন্তুক বিধানসভা নিৰ্বাচনত তেওঁ বিজেপিৰ প্ৰাৰ্থী হ’বলৈ তৎপৰ হৈ পৰিছিল। কিন্তু তেওঁ লাভৱান হ’ব নোৱাৰিলে। বিজেপিৰ টিকট নাপাব বুলি নিশ্চিত হৈয়ে বৈজনাথে পুনৰ কংগ্ৰেছলৈ উভতি যাবলৈ উদ্যোগ আৰম্ভ কৰে। কংগ্ৰেছৰ নেতৃত্বৰ সৈতে কথা পাতে।

বৃহস্পতিবাৰে পুৱা বৈজনাথে ৪০০ খন গাড়ীৰ কনভয় লৈ ভূপালৰ কংগ্ৰেছৰ কাৰ্যালয়লৈ আহে। তেওঁক কংগ্ৰেছৰ পতাকাখন হাতত তুলি দিয়ে প্ৰদেশ কংগ্ৰেছৰ সভাপতি কমল নাথে। কংগ্ৰেছৰ আন এজন জ্যেষ্ঠ নেতা দিগ্বীজয় সিং তেওঁৰ কাষত থিয় হৈ আছিল।

লগতে পঢ়ক: ২০২৩ বৰ্ষত দেশত ভয়ংকৰ হাৰত হ্ৰাস পাব কোটিপতিৰ সংখ্যা, কিন্তু কিয়?

ৰাজ্যিক কংগ্ৰেছে দাবী কৰিছে যে কেৱল বৈজনাথেই নহয়, তেওঁৰ শতাধিক ‘বন্ধু’ৱেও কংগ্ৰেছত যোগদান কৰি আৰু বিজেপিৰ জংঘলৰাজ শেষ কৰাৰ পণ লৈছে। কংগ্ৰেছৰ সূত্ৰই জানিব দিয়া মতে, জিলাখনৰ পোন্ধৰজনতকৈও অধিক নেতাই বৈজনাথৰ সৈতে দলটোত যোগদান কৰিছে।

ইপিনে, ৪০০ গাড়ীৰ কনভয় দেখি ভূপালৰ নাগৰিকৰ চকু কপালত উঠিল। কনভয় ৰাষ্ট্ৰীয় পথেৰে পাৰ হৈ যোৱাৰ সময়ত বহু লোকে ম’বাইলত এই দৃশ্য বন্দী কৰে। ইয়াক লৈ বিতৰ্কও আৰম্ভ হৈছে।

मध्यप्रदेश के शिवपुरी जिले के सिंधिया समर्थक नेता बैजनाथ सिंह अपना हजारों समर्थक का काफिला लेकर कांग्रेस पार्टी में शामिल होने के लिऐ जाते हुए। pic.twitter.com/p1TOOabyTk

— Ritu Choudhary (@RituChoudhryINC) June 14, 2023

বিজেপিৰ প্ৰশ্ন হ’ল, ছাইৰেন বজাই কনভয় দৌৰওৱাটো কিমান বৈধ? বৈজনাথ বা তেওঁৰ সংগীসকলে কেনেকৈ ছাইৰেন বজোৱাৰ অনুমতি পালে? বিজেপিয়ে ইয়াক কংগ্ৰেছৰ স্বৈৰাচাৰী মানসিকতাৰ চূড়ান্ত প্ৰকাশ বুলি অভিহিত কৰিছে। কংগ্ৰেছে প্ৰত্যুত্তৰত বিজেপিয়ে ভৰিৰ তলৰ মাটি হেৰুওৱাৰ ভয়ত আইনৰ দোহাই দিব লগা হৈছে।