CAA ৰ বিৰোধতাৰ বাবে চৰকাৰে “বেটী বচাও’ৰ এম্বেছাদৰ পৰিণীতি চোপ্ৰাক বিদায় দিলে নেকি?
কা আৰু এন আৰ চিক লৈ সমগ্ৰ দেশতে চলি থকা প্ৰতিবাদ আন্দোলনৰ মাজত বলিউদৰ তাৰকাসকলেও বিষয়টোত নিজৰ নিজৰ মন্তব্য প্ৰকাশ কৰিছে।
কেইদিনমান পূৰ্বে প্ৰতিবাদকাৰী জামিয়া মিলিয়া ইছলামিয়া আৰু আলিগড় মুছলিম বিশ্ববিদ্যালয়ৰ শিক্ষাৰ্থীসকলৰ ওপৰত আৰক্ষীয়ে লাঠীচালনা কৰিছিল।
উক্ত হিংসাত্মক কাৰ্যৰ পাছতে সমগ্ৰ দেশতে জনসাধাৰণে ইয়াৰ সমালোচনা কৰাৰ সমান্তৰালকৈ চলচ্চিত্ৰ জগতৰ বহু তাৰকায়ো এই ঘটনা সম্পৰ্কে মন্তব্য কৰিছিল।
অভিনেত্ৰী পৰিণীতি চোপ্ৰাইয়ো এই ঘটনাৰ টুইট কৰি চৰকাৰৰ সমালোচনা কৰিছিল।
পৰিণীতি চোপ্ৰাই টুইট কৰি লিখিছিল,’’যদি নাগৰিকৰ দ্বাৰা নিজৰ মতামত ব্যক্ত কৰাৰ বাবে প্ৰতিবাৰে এনেকুৱা হয় তেতিয়াহ’লে কেব (Citizenship Amendment Bill)ক পাহৰি যাওক। আমি এখন বিধেয়ক গৃহীত কৰা উচিত আৰু নিজৰ দেশক গণতান্ত্ৰিক দেশ বুলি কোৱাটো বাদ দিয়া উচিত। নিজৰ মনৰ কথা কোৱাৰ বাবে নিৰ্দোষী লোকক প্ৰহাৰ কৰা হৈছে? এয়া বিপদজনক আৰু বৰ্বৰ ।‘’
If this is what’s gonna happen everytime a citizen expresses their view, forget #CAB, we should pass a bill and not call our country a democracy anymore! Beating up innocent human beings for speaking their mind? BARBARIC.
— Parineeti Chopra (@ParineetiChopra) December 17, 2019
এই টুইটৰ পাছতে আন কেইটামান টুইট আহে য’ত কোৱা হৈছে যে হাৰিয়ানা চৰকাৰে পৰিণীতিক “বেটি বচাও-বেটি পঢ়াও’ অভিযানৰ ব্ৰেণ্ড এম্বেছাদৰ পদৰ পৰা অঁতৰাই দিছে।
পৰিণীতিৰ এই টুইটৰ পাছতে এজন য়ুজাৰে লিখিছে,’’হাৰিয়ানাত বেটি বচাও-বেটি পঢ়াও’ অভিযানৰ ব্ৰেণ্ড এম্বেছাদৰ পৰিণীতি চোপ্ৰাৰ কা বিৰোধী টুইটৰ বাবে চৰকাৰে তেওঁৰ এই পদ কাঢ়ি নিলে।
প্ৰকল্প সঞ্চালক যোগেন্দ্ৰ মালিকে কয় যে পৰিণীতি আমাৰ ব্ৰেণ্ড এম্বেছাদৰ নহয়।
উল্লেখযোগ্য যে বাতৰি অনুসৰি, ২০১৫ বৰ্ষত হাৰিয়ানা চৰকাৰে পৰিণীতি চোপ্ৰাক “বেটি বচাও-বেটি পঢ়াও’ অভিযানৰ ব্ৰেণ্ড এম্বেছাদৰ নিযুক্ত কৰিছিল। কিন্তু পৰিণীতিৰ চুক্তি ২০১৬ত সমাপ্ত হয়।
ইয়াৰ পাছত ৰিঅ’ অলিম্পিকত ব্ৰঞ্জৰ পদক লাভ কৰা সাক্ষী মালিকক এই পদত নিযুক্ত দিয়া হয়।