আইপিএল-২০২২: ৰোহিতৰ মুম্বাইক ৪ উইকেটত হৰুৱাই বিজয় যাত্ৰা ঋষভৰ দিল্লীৰ

মুম্বাইৰ আছে বাচিল থাম্পি, দিল্লীয়ে পাইছে কুলদীপ যাদৱ। মুম্বাইৰ যদি ঈশান কিষান আছে দিল্লীৰ আছে ললিত যাদব। ৰোহিত শৰ্মাৰ মুম্বাই ইণ্ডিয়ানছক এনে এক বাৰ্তা দিয়েই আইপিএল-২০২২ৰ বিজয় যাত্ৰা আৰম্ভ কৰিলে ঋষভ পন্টৰ দিল্লী কেপিটেলছে।

বেটে-বলে দমনীয় প্ৰদৰ্শন দাঙি ধৰি চাৰিবাৰৰ আইপিএল চেম্পিয়ন মুম্বাই ইণ্ডিয়ানছক ৪ উইকেটত হৰুৱালে দিল্লী কেপিটেলছে।

দেওবাৰে ঋষভৰ নেতৃত্বত প্ৰবল আত্মবিশ্বাসী ৰূপত খেলপথাৰত নামি দিল্লীয়ে ৰোহিত বাহিনীক একপ্ৰকাৰ সতৰ্ক কৰি দিলে যে এইবাৰ তেওঁলোক কোনোগুণে কম নহয়।

লগতে পঢ়ক: অথলে গ’ল ডুপ্লেচি-কোহলিৰ দুৰ্দান্ত প্ৰদৰ্শন; বিশাল ৰাণৰ লক্ষ্য অনুসৰণ কৰি পঞ্জাৱৰ বিৰাট জয়

মুম্বাইৰ ইনিংছত ৰোহিতক ৪১ ৰাণত আউট কৰাৰ উপৰি অমলপ্ৰীত আৰু পোলাৰ্ডৰ উইকেটো দখল কৰে। অৱশ্যে দিল্লীৰ পেচ আৰু স্পীন আক্ৰমণ চম্ভালি মুম্বাইক প্ৰায় অকলেই এক শক্তিশালী স্থানত উপনীত কৰায়। ঈশানে অপৰাজিত ৮১ৰাণ কৰে।

এইবাৰ মুম্বাইৰ বাবে বেটিং নহয়, বলিংহে চিন্তাৰ কাৰণ হৈ ধৰা দিছে। যশপ্ৰীত বুমৰাহ আছে যদিও এইবাৰ ট্ৰেন্ট ব’ল্ট নাই। অৱশ্যে সেই অভাৱ বহু পৰিমানে পূৰণ কৰিলে ২৮ বছৰীয়া ভাৰতীয় পেচাৰ বাচিল থাম্পি। মেচখনত দুৰ্দান্ত প্ৰদৰ্শন আগবঢ়াই বাচিলে দিল্লীৰ তিনিটাকৈ উইকেট দখল কৰে। কিন্তু সেই সকলোবোৰ মুম্বাইৰ বাবে যথেষ্ট নহ’ল।

লগতে পঢ়ক:অস্কাৰৰ মঞ্চত অঘটন! ক্ৰিছ ৰকৰ গালত প্ৰচণ্ড চৰ উইল স্মিথৰ

দিল্লীৰ ললিত যাদবৰ দুৰ্দান্ত বেটিঙৰ সহায়ত বিজয় লক্ষ্যত উপনীত হ’বলৈ সক্ষম হয়।  অ’পেনাৰ পৃথ্বী শ্ব’ই ৩৮ৰাণ আৰু অক্ষৰ পেটেলে অপৰাজিত ৩৮ৰাণ কৰিলে যদিও ঋষভ পন্ট ব্যৰ্থ হয়। মাত্ৰ ১ৰাণ কৰিয়েই তেওঁ পেভলিয়নমুখী হয়।

সংক্ষিপ্ত স্ক’ৰ:  

মুম্বই ইণ্ডিয়ানছ: ১৭৭/৫ (ৰোহিত-৪১, ঈশান-৮১*, কুলদীপ- ১৮/৩)
দিল্লী কেপিটেলছ: ১৭৯/৬ (ললিত যাদব-৪৮* বাচিল-৩৫/৩)
দিল্লী কেপিটেলছ ৪ উইকেটত জয়ী।