হলীউদকে ধৰি আন্তৰ্জাতিক চলচ্চিত্ৰৰ অন্যতম বৃহৎ মঞ্চ হিচাপে পৰিচিত একাডেমী পুৰস্কাৰৰ মঞ্চত ঘটিল এক অঘটন! মঞ্চত উঠি ক্ৰিছ ৰকৰ গালত প্ৰচণ্ড চৰ শোধালে উইল স্মিথে। এই ঘটনাত উপস্থিত সকলো হতবাক হৈ পৰে।
দৰাচলতে সেই মুহূৰ্তত তাত কি হৈছিল? আন্তৰ্জাতিক সংবাদ মাধ্যমৰ বাতৰি অনুসৰি ক্ৰিছ ৰকে উপস্থিত অতিথিসকলকলৈ ঠাট্টা-মস্কৰা কৰিছিল। এজন এজনকৈ অতিথিসকলৰ কথা কৈ যোৱাৰ মাজতে তেওঁ উইল স্মিথৰ পত্নী জেডা স্মিথৰ প্ৰসংগলৈ আহে।
লগতে পঢ়ক: কেমেৰাৰ সন্মুখতে বিহাৰৰ মুখ্যমন্ত্ৰী নীতিশ কুমাৰক আক্ৰমণ, যুৱকক গ্ৰেপ্তাৰ
ক্ৰিছ ৰকে কয় যে পৰৱৰ্তী ‘জি আই জেন’ ছবিত জেডা স্মিথে অভিনয় কৰিব।‘জি আই জেন’ ছবিখনত ডেমি মুৰে অভিনয় কৰিছিল। ছবিখনত ডেমিৰ মুৰত চুলি নাছিল। ইপিনে, জেডাৰ মুৰতো চুলি নাই। কিন্তু সেয়া আন কাৰণত নহয়, জেডা এল’পেচিয়াত আক্ৰান্ত হোৱাৰ বাবে তেওঁৰ মূৰৰ চুলি নাই।
ক্ৰিছৰ এনে কৌতুকত খঙত জ্বলি উঠে উইল স্মিথ। তেওঁ মঞ্চলৈ উঠি গৈ ক্ৰিছৰ গালত প্ৰচণ্ড চৰ শোধায়।
MAYHEM BETWEEN CHRIS ROCK AND WILL SMITH AT THE #Oscars https://t.co/265hGbsEDg
— Barstool Sports (@barstoolsports) March 28, 2022
বহুতেই এয়া প্ৰথমতে পূৰ্ব পৰিকল্পিত বুলি ভাৱিছিল যদিও পিছত দেখে যে উইল সঁচাকৈয়ে খঙত অগ্নিশৰ্মা। তেওঁ ক্ৰিছ গালি দি তেওঁৰ পত্নীক এইবোৰৰ পৰা আঁতৰত ৰাখিবলৈ সকীয়াই দিয়ে।
ইয়াৰ পিছতে উইলে ‘কিং ৰিচাৰ্ড’ ছবিৰ বাবে শ্ৰেষ্ঠ অভিনেতাৰ পুৰস্কাৰ গ্ৰহণ কৰা সময়তো কান্দি উঠে।
