কোটি কোটি ভাৰতীয়ৰ ব্যক্তিগত তথ্য চুৰি, জালত ‘মাষ্টাৰমাইণ্ড’, দিল্লী আৰক্ষীৰ বৃহৎ সফলতা

ডাৰ্ক ৱেবত ভাৰতীয়ৰ ব্যক্তিগত তথ্য বিক্ৰী কৰাৰ অভিযোগত চাৰিজন লোকক গ্ৰেপ্তাৰ কৰিছে দিল্লী আৰক্ষীয়ে। অভিযুক্তসকলৰ বিৰুদ্ধে ইণ্ডিয়ান কাউন্সিল অৱ মেডিকেল ৰিচাৰ্চ (আই চি এম আৰ)ৰ ডাটা বেংকৰ পৰা ফাদিল হোৱা স্পৰ্শকাতৰ তথ্য ডাৰ্ক ৱেবত বিক্ৰী কৰাৰ অভিযোগ উত্থাপন হৈছে।

দিল্লী আৰক্ষীয়ে জনোৱা মতে, ৩খন ভিন্ন ৰাজ্যৰ পৰা অভিযুক্তক গ্ৰেপ্তাৰ কৰা হৈছে। অভিযুক্তই ইণ্ডিয়ান কাউন্সিল অৱ মেডিকেল ৰিচাৰ্চৰ (আইচিএমআৰ) ডাটা বেংকৰ তথ্য ফাদিল কৰি ডাৰ্ক ৱেবত বিক্ৰীৰ বাবে ৰাখিছিল।

ইণ্ডিয়ান কাউন্সিল অৱ মেডিকেল ৰিচাৰ্চ (আইচিএমআৰ)ৰ ডাটা বেংকৰ পৰা ৮১ কোটি ভাৰতীয়ৰ তথ্য ফাদিলৰ ঘটনাত তিনিখন ৰাজ্যৰ চাৰিজন লোকক গ্ৰেপ্তাৰ কৰিছে দিল্লী আৰক্ষীয়ে। ভাৰতীয় তদন্তকাৰী সংস্থাসমূহে এই তথ্য ফাদিল হৈ ডাৰ্ক ৱেবত বিক্ৰী হোৱাৰ বিষয়ে প্ৰায় ২ মাহ আগতে জানিব পাৰিছিল।

লগতে পঢ়কঃ পাকিস্তানত ডাউদ ইব্ৰাহিমক বিষ পান কৰোৱা হৈছে? মৃত্যুৰে যুঁজিছে ভাৰতৰ শত্ৰু!

আমেৰিকাৰ তদন্তকাৰী সংস্থা, ফেডাৰেল ব্যুৰো অৱ ইনভেষ্টিগেশ্যন (এফ বি আই) আৰু পাকিস্তানৰ কম্পিউটাৰাইজড নেচনেল আইডেন্টিটি কাৰ্ড (চি এন আই চি)ৰ পৰাও তথ্য চুৰি কৰা বুলিও দাবী কৰে অভিযুক্তসকলে।

দিল্লী আৰক্ষীয়ে নিজা উদ্যোগত ডাটা ফাদিলৰ গোচৰটো ৰুজু কৰে। যোৱা সপ্তাহত চাৰিজন লোকক গ্ৰেপ্তাৰ কৰা হৈছিল। ইয়াৰে এজন ওড়িশাৰ, যিয়ে বি টেক ডিগ্ৰী ধাৰী। বাকী দুজন হাৰিয়ানাৰ, আৰু এজন ঝান্সীৰ। চাৰিওজনকে দিল্লীৰ আদালতত হাজিৰ কৰোৱা হয়। তেওঁলোকক সাত দিনৰ আৰক্ষী জিম্মালৈ প্ৰেৰণ কৰা হৈছে।

লগতে পঢ়কঃ উদ্যোগপতি সজ্জন জিন্দালৰ বিৰুদ্ধে ধৰ্ষণৰ অভিযোগ অভিনেত্ৰীৰ! মুম্বাইৰ থানাত দাখিল এজাহাৰ

দিল্লী আৰক্ষীৰ এগৰাকী শীৰ্ষ বিষয়াই জনোৱা মতে, দিল্লী আৰক্ষীৰ চাইবাৰ ইউনিটে ডাৰ্ক ৱেবত ভাৰতীয়ৰ ব্যক্তিগত তথ্য বিক্ৰী কৰাৰ অপৰাধত ৪জন অভিযুক্তক গ্ৰেপ্তাৰ কৰিছে। প্ৰায় ১০ দিন পূৰ্বে গ্ৰেপ্তাৰ হৈছিল দুয়োকে।