লকডাউন: যানবাহন আইন সম্পৰ্কীয় নথিৰ ভেলিডিটি বৃদ্ধি
লকডাউনৰ প্ৰতি লক্ষ্য ৰাখি অসমত যানবাহন আইন সম্পৰ্কীয় নথিপত্ৰৰ ভেলিডিটি ৩০ জুনলৈকে বৃদ্ধি কৰা হৈছে।
পথ, পৰিবহণ আৰু ঘাইপথ মন্ত্ৰ্যালয়ৰ নিৰ্দেশনাৰ আধাৰত অসমৰ পৰিবহণ বিভাগে এই সিদ্ধান্ত গ্ৰহণ কৰিছে।
লকডাউনৰ সময়চোৱাৰ ভিতৰত ড্ৰাইভিং লাইচেন্স, ফিটনেছ নথি, পঞ্জীয়ন আদিৰ বৈধতা উকলি গ’লেও ৩০ জুনলৈকে সেইবোৰক বৈধ বুলি ধৰা হ’ব।
যোৱা ১ ফেব্ৰুৱাৰিৰ পিছত বৈধতা ওকলা নথিসমূহৰ ক্ষেত্ৰত এই ঘোষণা প্ৰযোজ্য হ’ব।
যানবাহন আইন, ১৯৮৮ আৰু কেন্দ্ৰীয় যানবাহন বিধি, ১৯৮৯ সম্বন্ধীয় বিভিন্ন নথিৰ ক্ষেত্ৰত মন্ত্ৰ্যালয়ে এই সিদ্ধান্ত গ্ৰহণ কৰিছে।
লকডাউনৰ সময়ত নথিসমূহৰ প্ৰক্ৰিয়াকৰণত অসুবিধা হোৱাৰ প্ৰতি লক্ষ্য ৰাখি এই সিদ্ধান্ত গ্ৰহণ কৰা হৈছে।
কৰ’নাভাইৰাছ প্ৰতিহত কৰাৰ বাবে প্ৰধান মন্ত্ৰী নৰেন্দ্ৰ মোদীয়ে দেশজুৰি ২১ দিনীয়া লকডাউন ঘোষণা কৰিছে।
ভাৰতত কৰ’নাভাইৰাছত আক্ৰান্তৰ সংখ্যাই ১২০০ৰ সীমা অতিক্ৰম কৰিছে।
১১৮ গৰাকী লোক এই ৰোগৰ পৰা সুস্থ হোৱাৰ বিপৰীতে এতিয়ালৈকে দেশত ৪০ গৰাকী লোক মৃত্যুমুখত পৰিছে।