Mary Kom: ভৰিত গুৰুতৰ আঘাত; কমনৱেলথ গেমছৰ ট্ৰায়েলৰ পৰাই বাহিৰ হ’ল মেৰী কম

আগন্তুক বাৰ্মিংহাম কমনৱেলথ গেমছৰ বাবে ভাৰতীয় বক্সিং দল বাছনি কৰিবলৈ ট্ৰায়েল অনুষ্ঠিত হৈছিল। এই পৰীক্ষা শিৱিৰৰ পৰাই ভাৰতীয় বক্সিং অনুৰাগীসকলৰ বাবে আহিছে এক দু:খবৰ। ভৰিৰ আঘাতৰ বাবে ভাৰতৰ কিংবদন্তি বক্সাৰ মেৰী কমে  ট্ৰায়েলৰ পৰাই নাম প্ৰত্যাহাৰ কৰিবলৈ বাধ্য হ’ল।

৪৮ কিলোগ্ৰাম শাখাৰ বাবে এই  ট্ৰায়েল অনুষ্ঠিত হৈছিল। তাতেই মেৰী কমে ভৰিৰ আঘাতৰ বাবে নাম প্ৰত্যাহাৰ কৰিবলৈ বাধ্য হয়।

লগতে পঢ়ক: Wipro CEO Salary: অভিলেখ! উইপ্ৰোৰ চিইঅ’ৰ দৰমহাই কিমান? শুনিলে চকু কপালত উঠিব আপোনাৰ!

ইন্দিৰা গান্ধী ষ্টেডিয়ামত অনুষ্ঠিত ট্ৰায়েলৰ ৪৮ কিলোগ্ৰাম শাখাৰ ছেমি ফাইনেলৰ প্ৰথম ৰাউণ্ডত মেৰী কম আঘাতপ্ৰাপ্ত হয়। ফলত তেওঁ নিজৰ নাম প্ৰত্যাহাৰ কৰিবলৈ বাধ্য হয়। মেৰী কমে ট্ৰায়েলৰ ছেমিফাইনেলৰ পৰা নাম প্ৰত্যাহাৰ কৰাৰ লগে লগে হাৰিয়ানাৰ নিতু ফাইনেললৈ গুচি যায়।

২০১৮ ৰ কমনৱেলথ গেমছৰ স্বৰ্ণ পদক বিজয়ী মেৰী কম ট্ৰায়েলৰ প্ৰথম পৰ্যায়ৰ সময়ত হঠাতে পৰি যায়। তথাপি ৩৯ বছৰীয়া মেৰীয়ে যুঁজ দিবলৈ চেষ্টা কৰিছিল। কিন্তু একেৰাহে কেইটামান পাঞ্চ মৰাৰ পিছত আঘাতৰ বাবে তেওঁ আৰু সন্তুলন ৰাখিব পৰা নাছিল মেৰীয়ে। অৱশেষত তেওঁ নিজৰ নাম প্ৰত্যাহাৰ কৰিবলৈ বাধ্য হয়।

লগতে পঢ়ক: COVID-19 Update: দেশত পুনৰ কৰ’নাৰ ৰঙা চকু! বৃদ্ধি সংক্ৰমণ; ৪০হাজাৰ অতিক্ৰম সক্ৰিয় ৰোগী

উল্লেখ্য যে মেৰী কমক ৰিঙৰ পৰা উলিয়াই বাহিৰলৈ অনাৰ সময়তো তেওঁক সাহায্য কৰিব লগা হয়। অহা মাহত বাৰ্মিংহামত অনুষ্ঠিত হ’ব কমনৱেলথ গেমছ।