১ নবেম্বৰৰ পৰা দেশী-বিদেশী পৰ্যটকৰ বাবে মুকলি হ’ব ওৰাং ৰাষ্ট্ৰীয় উদ্যান

মিনি কাজিৰঙা হিচাপে পৰিচিত দৰং জিলাৰ ৰাজীৱ গান্ধী ওৰাং ৰাষ্ট্ৰীয় উদ্যান তথা ব্যঘ্ৰ প্ৰকল্প পৰ্যটক সকলৰ বাবে ১ নবেম্বৰৰ পৰা পুনৰ মুকলি হ’ব।

আনহাতে, বিগত বানপানীত ৰাষ্ট্ৰীয় উদ্যানখনৰ ভিতৰভাগৰ কিছুসংখ্যক পথৰ ভগ্ন অংশ মেৰামতিৰ কাম চলি থকাৰ বাবে নিৰ্দিষ্ট পথত যান-বাহনৰ চলাচলত নিষেধাজ্ঞা আৰোপ কৰা হৈছে।

পথ মেৰামতিৰ কাম সম্পুৰ্ণ হোৱাৰ পাছত সাতশিমলু বন পৰিদৰ্শন বাংলো আৰু চিঙাভেটি ফৰেষ্ট কেম্পলৈ পৰ্যটক সকলৰ বাবে যান-বাহন চলাচল মুকলি কৰি দিয়া হ’ব।

বুধবাৰে দৰং জিলাৰ জনসম্পৰ্ক ৰক্ষী বিষয়াই মঙলদৈৰ বন সংমণ্ডল বিষয়াই উল্লেখ কৰা ঘোষণাৰে প্ৰকাশিত এক বিবৃতিত এই কথা উল্লেখ কৰে।

লগতে পঢ়ক : মুখ্য মন্ত্ৰী সৰ্বানন্দ সোণোৱালৰ উপস্থিতিত আজিৰে পৰা পৰ্যটকৰ বাবে পুনৰ মুকলি হ’ল কাজিৰঙা ৰাষ্ট্ৰীয় উদ্যান

উল্লেখযোগ্য যে, ১২ অক্টোবৰত মুখ্য মন্ত্ৰী সৰ্বানন্দ সোণোৱালে কাজিৰঙা ৰাষ্ট্ৰীয় উদ্যান আনুষ্ঠানিকভাৱে পৰ্যটকৰ বাবে পুনৰ মুকলি কৰিছিল।

আনহাতে, ৪ অক্টোবৰৰ পৰা মানাহ ৰাষ্ট্ৰীয় উদ্যান দেশী-বিদেশী পৰ্যটকৰ বাবে মুকলি কৰি দিয়া হৈছে।

লগতে পঢ়ক : ৪ অক্টোবৰৰ পৰা পৰ্যটকৰ বাবে মুকলি হ’ব মানাহ ৰাষ্ট্ৰীয় উদ্যান

অন্য বৰ্ষৰ দৰে চলিত বৰ্ষতো দেশ আৰু বিদেশৰ পৰ্যটকে অসমৰ ৰাষ্ট্ৰীয় উদ্যান সমূহত ভিৰ কৰিব বুলি আশা কৰা হৈছে।