বিশ্বকাপৰ কোৱালিফাইং মেচত মেছিৰ আৰ্জেণ্টিনাক পৰাস্ত কৰি চমক পেৰাগুৱেৰ
বিশ্বকাপৰ কোৱালিফাইং মেচত আগবাঢ়ি যোৱাৰ পাছতো পেৰাগুৱেৰ হাতত ২-১ গ’লত পৰাস্ত হয় মেছিৰ আৰ্জেণ্টিনা। প্ৰতিযোগিতাখনত এয়া তেওঁলোকৰ তৃতীয়টো পৰাজয়।
নেটত গ’ল সোমাবলৈ আৰ্জেণ্টিনাই বেছি সময় অপেক্ষা কৰিব লগা নাছিল। মেচৰ ১১ মিনিটত লাউটাৰো মাৰ্টিনেজে এনজো ফাৰ্নাণ্ডেজৰ থ্ৰো পাছ ধৰি ডিফেণ্ডাৰৰ কাষেৰে ক্ৰছ শ্বট মাৰি বলটো নেটত সোমাই দিয়ে। আৰম্ভণিতে লাইনমেনে অফছাইড দিছিল। পিছত ভিএআৰৰ সহায়ত ৰেফাৰীয়ে গ’লৰ হুইচেল মাৰিলে।
আৰম্ভণিতে মাত্ৰ ৮ মিনিটৰ বাবে অগ্ৰগতি ৰক্ষা কৰিবলৈ সক্ষম হয় আৰ্জেণ্টিনা। ১৯ মিনিটত গুস্তাভো গোমেছৰ হেডাৰটো ক্ৰছবাৰৰ পৰা উভতি আহে। এই যাত্ৰাত আলবিচেলেষ্টৰ ভাগ্যই তেওঁক সহায় কৰিলেও ছানাব্ৰিয়াই হাৰ নামানিলে। বাইলাইনৰ ওচৰৰ পৰা গুস্তাফো ভেলাস্কেজৰ ক্ৰছৰ পৰা বাইচাইকেল কিকেৰে তেওঁ বল নেটত সুমুৱায়।পোষ্টত খুন্দা মাৰি যোৱা বলটো ৰক্ষা কৰিব নোৱাৰিলে এমিলিয়ানো মাৰ্টিনেজে।
লগতে পঢ়কঃ পুনৰ হ্ৰাস পালে টকাৰ মূল্য, ডলাৰৰ হিচাপত সৰ্বনিম্ন; ট্ৰাম্পৰ প্ৰত্যাৱৰ্তনতে ভাৰতীয় মুদ্ৰাৰ পতন?
২৫ মিনিটত আৰ্জেণ্টিনাই আগবাঢ়ি যোৱাৰ সুযোগ লাভ কৰে। মলিনাৰ ক্ৰছৰ পৰা বল লাভ কৰি লায়নেল মেছিয়ে শ্বটটো লক্ষ্যত ৰাখিব নোৱাৰিলে। প্ৰথমাৰ্ধ ১-১ গ’লত ড্ৰ’ত সমাপ্ত হয়।
বিৰতিৰ পিছত পেৰাগুৱেই মেচখনত আগবাঢ়ি যায়। ৪৭ মিনিটত এলডেৰে গোমেছৰ ফ্ৰী কিকত দৌৰি গৈ ডাইভিং হেড কৰি বলটো নেটত সুমুৱাই দিয়ে। খেলখনত পিছ পৰি থকাৰ পাছত আৰ্জেণ্টিনাই বলৰ দখলো হেৰুৱাই পেলায়। পেৰাগুৱেই চাপত থকা মেছি বাহিনীক আৰু চেপি ধৰে। তাৰ পিছতো মেছিয়ে ৭৯ মিনিটত এক সুন্দৰ সুযোগ সৃষ্টি কৰে। তেওঁৰ দীৰ্ঘ দূৰত্বৰ শ্বটটো এজনৰ গাত খুন্দা মাৰি বাউন্স হৈ পোষ্টৰ বাহিৰত যায়। তাৰপিছত আৰু মেচলৈ ঘূৰি আহিব নোৱাৰিলে।
লগতে পঢ়কঃ পুৰুষ নে মহিলা! কাৰ বেছি বুদ্ধি? চাণক্যই কৈ গৈছে প্ৰকৃত সত্য!
এই পৰাজয়ৰ পিছতো ১১ খন মেচৰ পৰা ২২ পইণ্ট লাভ কৰি পইণ্ট তালিকাৰ শীৰ্ষত আছে আৰ্জেণ্টিনা। ১০খন মেচত ১৯ পইণ্ট লাভ কৰি দ্বিতীয় স্থানত থকা কলম্বিয়াই পইণ্টৰ ক্ষেত্ৰত কাষত বহিবলৈ সুযোগ লাভ কৰিছে।