চাই ল’ম, ফেপেৰি পাতিছে পুটিনে! ৰাছিয়াৰ ৱাণ্টেড লিষ্টত এইবাৰ আইচিচিৰ প্ৰেছিডেন্টৰ নাম
আন্তঃৰাষ্ট্ৰীয় ফৌজদাৰী আদালতৰ (আইচিচি) প্ৰেছিডেন্ট পিয়টৰ হফমানস্কিৰ নাম ৰাছিয়াৰ ৱাণ্টেড তালিকাত সংযোজন কৰা হৈছে। সোমবাৰে ৰাছিয়াৰ আভ্যন্তৰীণ পৰিক্ৰমা মন্ত্ৰালয়ে এই তথ্য প্ৰকাশ কৰে।
দেশখনৰ গৃহ মন্ত্ৰালয়ৰ ডাটাবেছৰ পৰা প্ৰকাশিত এক জাননীত কোৱা হৈছে যে পোলেণ্ডৰ নাগৰিক পিয়টৰ জ’জেফ হফমানস্কিক ৰাছিয়াৰ অপৰাধ আইন অনুসৰি ৱান্টেড হিচাপে গণ্য কৰা হ’ব। অৱশ্যে পিয়টৰৰ বিৰুদ্ধে উত্থাপিত অভিযোগ সন্দৰ্ভত আনুষ্ঠানিকভাৱে একো কোৱা নাই গৃহ মন্ত্ৰালয়ে।
চলিত বৰ্ষৰ মাৰ্চ মাহত নেদাৰলেণ্ডৰ হেগস্থিত আইচিচিয়ে পুটিনৰ বিৰুদ্ধে গ্ৰেপ্তাৰী পৰোৱানা জাৰি কৰিছিল। ইউক্ৰেইনৰ শিশুক বলপূৰ্বকভাৱে দেশ এৰিবলৈ বাধ্য কৰা আৰু দেশখনৰ বিৰুদ্ধে যুদ্ধাপৰাধ সংঘটিত কৰাৰ অভিযোগত পুটিনৰ বিৰুদ্ধে গ্ৰেপ্তাৰী পৰোৱানা জাৰি কৰা হয়। অনুমান কৰা হৈছে যে মস্কোৱে এই পদক্ষেপৰ প্ৰত্যুত্তৰ হিচাপে এই ব্যৱস্থা লৈছে।
লগতে পঢ়ক: উৎসৱৰ সময়তে অচল হৈ পৰিব WhatsApp; কোন কোন স্মাৰ্টফোনত নকৰিব কাম?
ৰাছিয়াৰ শিশু অধিকাৰ বিষয়ক প্ৰেছডেন্সিয়েল কমিছনাৰ মাৰিয়া ল’ভোভা-বেলোভাৰ বিৰুদ্ধেও একে অভিযোগতে আইচিচিয়ে গ্ৰেপ্তাৰী পৰোৱানা জাৰি কৰিছিল।
এনে পদক্ষেপৰ প্ৰতি সঁহাৰি জনাই ৰাছিয়াই ইয়াৰ পূৰ্বে আইচিচিৰ অধিবক্তা কৰিম খান আৰু একাংশ ন্যায়াধীশৰ বিৰুদ্ধে গ্ৰেপ্তাৰী পৰোৱানা জাৰি কৰিছিল। এইবাৰ ৱাণ্টেড লিষ্টত যোগ কৰা হৈছে আইচিচিৰ প্ৰেছিডেন্টৰ নাম।
ৰাছিয়া আইচিচিৰ সদস্য নহয়। সেয়েহে মস্কোৱে ৰাষ্ট্ৰপতি পুটিনৰ বিৰুদ্ধে জাৰি কৰা গ্ৰেপ্তাৰী পৰোৱানাক ‘অবৈধ’ বুলি অভিহিত কৰিছে।
চলিত মাহত ইউক্ৰেইনত আইচিচিয়ে এটা ক্ষেত্ৰ কাৰ্যালয় মুকলি কৰিছে। বহুলাংশে পশ্চিমৰ সমৰ্থিত ইউক্ৰেইনত ৰাছিয়াৰ সৰ্বাত্মক আক্ৰমণৰ বাবে ৰাছিয়াৰ বাহিনীক জবাবদিহি কৰাৰ প্ৰচেষ্টাৰ অংশ হিচাপে এই কাৰ্যালয় মুকলি কৰা হৈছে।
You may also like
চুক্তি স্বাক্ষৰিত হোৱাৰ ৩২ বছৰৰ পিছত মুকলি কৰা হ’ল অসম চুক্তি ৰূপায়ণ কাৰ্য্যলয়
সময়ৰ হিচাপেৰে অসম চুক্তি স্বাক্ষৰিত হোৱা আজি ৩২ বছৰ হ’ল। ৩২ বছৰৰ পিছত আজি অসম চুক্তি ৰূপায়ণৰ কাম-কাজ তদাৰকৰ বাবে নিৰ্দিষ্ট এটা…
অসমীয়া স্বাভিমান গামোচা জোকাৰি বিধেয়ক বাতিলৰ দাবীত প্ৰতিবাদ ৭০টা জাতীয় সংগঠনৰ
নাগৰিকত্ব সংশোধনী বিধেয়ক ২০১৬ বাতিলৰ দাবীত দিচপুৰ জনতা ভৱনৰ সন্মুখত কৃষক নেতা অখিল গগৈৰ নেতৃত্বত ৭০ টা জাতীয় সংগঠনৰ নেতৃবৃন্দই আজি এক…
থলুৱাক উচ্ছেদ কৰি পুঁজিপতিক ভূমি হস্তান্তৰৰ ষড়যন্ত্ৰ; মহিলাৰ ওপৰত জপিয়াই পৰিল আৰক্ষী
নগাঁও জিলাৰ বঢ়মপুৰ সমষ্টিৰ অন্তৰ্গত মিকিৰ বামুণী গাঁৱত পুনৰ আজি থলুৱা লোকৰ ওপৰত আৰক্ষীয়ে নিৰ্যাতন চলোৱাৰ কাৰ্যই অঞ্চলটোত তীব্ৰ প্ৰতিক্ৰিয়াৰ সৃষ্টি কৰিছে।…
খৰধৰ কৰক! দিনে ১ লাখকৈ টকাৰ অ’ফাৰ টিক টকৰ, অসমৰ বাবেও মুকলি
নিষিদ্ধতাৰ পৰা মুক্তি পায়ে ব্যৱহাৰকাৰীলৈ দিনে এক লাখ টকালৈকে ঘটাৰ সুযোগ আগবঢ়াইছে অসমতো বহুলভাৱে জনপ্ৰিয় এপ তিক তকে। অসম তথা উত্তৰ-পূবৰ বাবেও…