Maharashtra Crisis: একনাথ সিন্দেকে ধৰি ১৭-২০ জন বিদ্ৰোহী বিধায়ক আছে ইডিৰ নজৰত; দাবী সঞ্জয় ৰাউটৰ

বিদ্ৰোহী শিৱসেনাৰ মন্ত্ৰী একনাথ সিন্দে ইডিৰ নজৰত আছে! মহাৰাষ্ট্ৰৰ সংকটৰ মাজতে বালাচাহেব ঠাকৰেৰ দল শিৱসেনাৰ মুখপাত্ৰ সঞ্জয় ৰাউতে এনে এক চাঞ্চল্যকৰ দাবী কৰিছে। তেওঁ লগতে দাবী কৰে যে কমেও ১৭-২০ জন বিদ্ৰোহী বিধায়ক কেন্দ্ৰীয় তদন্তকাৰী সংস্থাটোৰ নিৰীক্ষণত আছে। বাকী ১০-১৫ জন বিধায়কে ইডিৰ জাননীক লৈ শংকিত হৈ আছে।

ৰাউতে সৰ্বভাৰতীয় সংবাদমাধ্যমৰ আগত কয়, “মোৰ ওচৰত তথ্য আছে যে বেছিভাগ বিদ্ৰোহী বিধায়কে ইডিৰ জাননী লাভ কৰিছে। বিজেপিয়ে ইডিৰ জৰিয়তে তেওঁলোকৰ ওপৰত হেঁচা প্ৰয়োগ কৰি আছে। বাকী বিধায়কসকলও তদন্তকাৰী সংস্থাৰ নিৰীক্ষণত আছে।‘’

লগতে পঢ়ক: TMC protest মহাৰাষ্ট্ৰৰ বিধায়কক ৰাজ আতিথ্য কিয়? ৰেডিশ্যন ব্লুৰ সন্মুখত অসম তৃণমূল কংগ্ৰেছৰ প্ৰতিবাদ

বিদ্ৰোহী বিধায়কসকলৰ দৰে সিন্দেও ইডিৰ স্কেনাৰত আছেনে? সাংবাদিকৰ এই প্ৰশ্নৰ উত্তৰত ৰাউতে কয়, “হয়, মোৰ ওচৰত তেনে খবৰেই আছে। ”

শিৱসেনাৰ আন এজন জ্যেষ্ঠ নেতাই কয়, “বহুতো বিদ্ৰোহী নেতাই ইডি কাৰ্যালয়লৈ অহাযোৱা কৰিছিল। তাৰ পিছতে তেওঁলোকে একনাথ সিন্দে আৰু বিজেপি নেতাসকলক সাক্ষাৎ কৰিছিল। এইটো স্পষ্ট যে তেওঁলোকে নিজকে বচাবলৈকে  বিজেপিৰ সৈতে হাত মিলাইছে। ”

লগতে পঢ়ক: Missing Boy Returns: ১১ দিন খোজকাঢ়ি বিশ্বনাথ পালেহি বৰগাঙৰ শিশু; গৰুচুৰি চক্ৰই বিক্ৰী কৰিছিল শিশুটিক!

মহাৰাষ্ট্ৰৰ সাম্প্ৰতিক পৰিস্থিতিকলৈ সিন্দে মুখ্যমন্ত্ৰী উদ্ধৱ ঠাকৰেৰ সৈতে এখন বৈঠকত বহিব নেকি বুলি আন এক প্ৰশ্নৰ উত্তৰত ৰাউতে কয়, “আমি তেওঁক মুম্বাইলৈ আহি এখন বৈঠক অনুষ্ঠিত কৰিবলৈ আমন্ত্ৰণ জনাইছো। এইটো ফোনতো কোৱা হৈছিল। মুখ্যমন্ত্ৰীয়ে ফেচবুক লাইভতো কৈছে। কিন্তু সিন্দে আৰু বিধায়কসকল এতিয়াও মুম্বাইলৈ অহা নাই। একো কোৱাও নাই।”