ৰাজ্যত পুনৰ দুজনৰ দেহত কোভিড-১৯ ধৰা পৰিছে; ২১৬লৈ বৃদ্ধি পালে আক্ৰান্তৰ সংখ্যা

অসমত পুনৰ দুগৰাকী ব্যক্তিৰ দেহত কোভিড-১৯ ধৰা পৰিছে। এইবাৰ শিলচৰৰ কুৱাৰেণ্টাইন চেণ্টাৰত দুগৰাকী লোকৰ দেহত এই মাৰাত্মক ভাইৰাছৰ উপস্থিতি পোৱা গৈছে।

লোকদুজন ক্ৰমে কাছাৰ আৰু হাইলাকান্দিৰ বুলি টুইটাৰ যোগে উল্লেখ কৰিছে কৰিছে স্বাস্থ্য মন্ত্ৰী হিমন্ত বিশ্ব শৰ্মাই।

উক্ত লোক দুজনৰ পূৰ্বে আজি শিৱসাগৰ জিলাত দুগৰাকী আৰু তেজপুৰ বিশ্ববিদ্যালয়ৰ কুৱাৰেন্টাইন চেণ্টাৰত ধৰা পৰিছিল দুটা কেচ।

ইয়াৰ সৈতে ৰাজ্যত ২১৬ গৰাকীলৈ বৃদ্ধি পালে কোভিড-১৯ আক্ৰান্ত ৰোগীৰ সংখ্যা।

📌Alert ~ Two persons from Silchar quarantine centre are found #COVID19 +. One each from Cachar and Hailakandi.

↗️Total cases 216
↗️Recovered 54
↗️Active cases 155
↗️Deaths 04
↗️Migrated 03

Update 3.10 pm / May 22#AssamCovidCount pic.twitter.com/aGsbNkuVUV

— Himanta Biswa Sarma (@himantabiswa) May 22, 2020

বৰ্তমান ১৫৫ গৰাকী লোক এই কৰনা ভাইৰাছত আক্ৰান্ত হৈ চিকিৎসাধীন হৈ আছে তাৰ বিপৰীতে ৫৪ জনক চিকিৎসালয়ৰ পৰা মুক্তি দিয়া হৈছে।

অসমত এই পৰ্যন্ত ক’ৰ’নাত আক্ৰান্ত হৈ চাৰিগৰাকী লোকৰ মৃত্যু হয়।

কালিৰ দিনটোতে ২২ গৰাকীকৈ লোক আক্ৰান্ত হৈছে কোভিড-১৯ত।

কালি নিশা তেজপুৰ বিশ্ববিদ্যালয়ৰ কুৱাৰেন্টাইন চেণ্টাৰৰ সাতগৰাকী লোকৰ দেহত এই মাৰাত্মক ভাইৰাছৰ উপস্থিতি পোৱা গৈছিল। আক্ৰান্ত সকলৰ ৫ গৰাকী শোণিতপুৰ জিলাৰ আৰু দুগৰাকী লখিমপুৰ জিলাৰ।

যোৱা ১৯ মে ত ৪২ গৰাকীকৈ লোকৰ দেহত এই মাৰাত্মক ভাইৰাছৰ উপস্থিতি পোৱা গৈছিল।

উল্লেখযোগ্য যে, যোৱা ১৩ মে’ ৰ পৰা আজিলৈকে মুঠ ১৬৩ গৰাকী লোক আক্ৰান্ত হৈছে এই মাৰাত্মক কোভিড-১৯ত।