কেৰালাৰ কোঝিকোডত দুটা হাতীৰ তাণ্ডৱৰ ফলত তীৰ্থযাত্ৰীৰ মাজত আতংক বিয়পি পৰিছে। এই হুলস্থুলত মৃত্যুমুখত পৰে তিনিজন লোক। আহত হৈছে ৩০ জনতকৈ অধিক তীৰ্থযাত্ৰী। বৃহস্পতিবাৰে মানকুলাংগাৰা মন্দিৰত সংঘটিত হয় এই ঘটনা।
বৃহস্পতিবাৰে সন্ধিয়া ৬ বজাত ভক্তৰ দল এটাই মন্দিৰ চৌহদত ফটকা জ্বলাইছিল। কোলাহলো হৈছিল। মন্দিৰ চৌহদত দুটা হাতী আছিল। আতচবাজীৰ শব্দত ভয় খাইছিল হাতী দুটাই। ফলত হাতী দুটাই আতংকিত হৈ পলাবলৈ ধৰিলে। হাতীৰ ভয়ত তীৰ্থযাত্ৰীসকলো আতংকিত হৈ পৰে। সেই সময়ত মন্দিৰত যথেষ্ট ভিৰ আছিল। হাতী দুটা মন্দিৰ চৌহদত দৌৰি অহা দেখি ভক্তসকলেও মন্দিৰৰ পৰা ওলাই যাবলৈ চেষ্টা কৰে।
