আগন্তুক টী-২০ বিশ্বকাপৰ পাছতে ভাৰতীয় ক্ৰিকেট দলৰ মুখ্য প্ৰশিক্ষক ৰবি শাস্ত্ৰীয়ে প্ৰশিক্ষকৰ পদ এৰাৰ ইংগিত দিছে। তাৰ পাছতে বিচিচিআইয়ে ইতিমধ্যে প্ৰশিক্ষকৰ বাবে বিচাৰ-খোচাৰ আৰম্ভ কৰি দিছে।
বাতৰি অনুসৰি, পৰৱৰ্তী প্ৰশিক্ষকৰ দৌৰৰ তালিকাৰ প্ৰথম স্থানত থকা ৰাহুল দ্ৰাবিড়ে নিজেই টীম ইণ্ডিয়াৰ প্ৰশিক্ষক হোৱাৰ সম্ভাৱনা নাকচ কৰি দিছে।
আনহাতে, শ্ৰীলংকাৰ কিংবদন্তি ক্ৰিকেটাৰ মাহেলা জয়াবৰ্দ্ধনেও প্ৰশিক্ষক হোৱাৰ প্ৰস্তাৱ নাকচ কৰি দিয়াৰ বাতৰি প্ৰকাশ পাইছে।
জানিব পৰা মতে, ব্যক্তিগত কাৰণতে জয়াবৰ্দ্ধনে বিচিচিআইৰ লোভনীয় এই প্ৰশিক্ষকৰ প্ৰস্তাৱ প্ৰত্যাখ্যান কৰিছে।
আৰু পঢ়ক: আজিৰে পৰা আৰম্ভ আধৰুৱা IPLৰ দ্বিতীয় পৰ্বৰ মহাৰণ; প্ৰথম মেচত চেন্নাইৰ মুখামুখি হ’ব মুম্বাই
জয়াবৰ্দ্ধনে জানিবৈ দিয়ে যে ভাৰতত তেওঁ কেবল মুম্বাই ইণ্ডিয়ানছৰ প্ৰশিক্ষক হিচাপে থাকিবলৈয়ে আগ্ৰহী। তদুপৰি, তেওঁ নিজ দেশৰ জাতীয় দলক প্ৰশিক্ষণ দিবলৈ বিচাৰে।
কিংবদন্তি ক্ৰিকেটাৰগৰাকীয়ে কয়,’’মই বৰ বেছি টুৰ্ণামেন্টত কাম নকৰো। কিয়নো ইয়াৰ বাবে মই কামৰ শেষত মোৰ পৰিয়ালৰ ওচৰলৈ ঘুৰি যোৱাৰ সুবিধা পাওঁ। মই মুম্বাই ইণ্ডিয়ানছৰ প্ৰশিক্ষক হৈয়েই সুখী আৰু শ্ৰীলংকাৰ প্ৰশিক্ষক হ’বলৈ ইচ্ছুক। কিন্তু ইয়াৰ বাহিৰে শৃংখলিত পূৰ্ণকালীন কামৰ বাবে আগ্ৰহী নহয়। মই ব্যক্তিগতভাৱে সেইটো পছন্দ নকৰো।‘’
